أول نهفة لعاشقة الموت...

مرحبا شباب وصبايا منتداي الغالي

هاد اول موضوع الي بنزلوو ئصدي موضوع مش ادبي لانكم انتو بتعرفويني شاطرة بالشعر
لزالك هالموضوع هاد اعجبني لمجرد المزح وانشاللع رح يعجبكوو كمان .....

دروس تقوية في الرياضيات

وحصري لأحلى شباب وصبايا بالمجموعة

إعداد وتقديم وإخراج الأستاذة عاشقة الموت

الدرس الأول

قسمة الجذور

والجذور هون بتوقع إنه ما إلها علاقة بالجزر

ناخد مثال علشان تفهمو أكثر (ع أساس إنكم فاهمين)

إقعد كويس إنت وإياه والشب اللي بالأخير اطفي السيجارة لا آجي أزعلك

المثال

ورجاءً ما حدش يرمي طباشير لما ألف وجهي عاللوح يا لوح إنت وإياه

السؤال بيقول:

مين أخو المحترمة اللي زت هالشبشب

أصلاً مبين عليه قليل تربية وأهله ناسيين اسمه لأنه مودينه بالشبشب عالمدرسة

عالم شباشب

مع احترامي لجميع الشباشب والصبايا اللي معنا اليوم

اللي فهم الدرس يقول بطاطا

واللي ما فهم يقول جزر عشر مرات وبخط حلو

إحم

الدرس الثاني:

نظرية فيفاقورص

وعلى سيرة القارص الواحد عايف حالو

ترى ما آجاني نوم بيوم أمسي

لأنه الجو كان شوي رومانسي

والطبيخ في الثلاجة منسي

والقارص بقزدر من إجري لرأسي

فاختصرو بلاش أقعد أصبح وأمسي

عليكم

وهاي مثال للي ما فهم

واللي بعده ما فهم يرن عليّ مست كول ويفصل

واللي طخ دحبورة الورق والله لأدحبر راس صاحبيته

ما علينا

اللي بعده عايش يقلب وجهه عالمرحلة الثالثة

الدرس الثالث:

آهه بلشت المادة تصعب شوي

بس بعرفكو قدها وهي صغيرة

بدي أحكيلكم اليوم عن الجيب والجتا

الجيب في المجتمع الفجاري يستخدم لعدة استخدامات

وهو أنواع

أولاً / الجيبة الصغيرة الأمامية يمين: وضع أكثر من تلفون في نفس الجيبة الصغيرة + باكيت علكة سهم + قدحة أحياناً + غلة كونترول الباص + سلسلة مفاتيح إبواب الدار والغرف والخزاين وخزاين مطبخ الجيران وقفل التنكات و.....

ثانياً/ الجيبة الصغيرة الخلفية يسار: محفظة صغيرة تحتوي على كروت نص محلات ابيت فجار بالإضافة إلى صورة صاحبه اللي كان معاه بالصف الثالث وكان متدين منه شيكل ومش مرجعه+ موس صيني سبع طبقات على الأقل

ثالثاً / الجيبة الأمامية يسار والخلفية يمين : فاضيات علشان تزبط المشية ..

رابعاً / مجموعة الجيوب الجانبية : الله يمسيكو بالخير

طبعاً لسا ما حكينا عن المخبى في الجرابات والجيوب الأنفية والأماكن الأخرى وذلك نظراً لضيق وقت الحصة ..

فنستنج إنه الجيب موضوع واسع ومتشعب

وفي ناس تخصصهم جيب يعني لو جيبتك فاضية بطلعو منها ألف شيكل .. ما بتعرف كيف .. الرزقة بيد الله

علشان نفهم الجيب والذي يسمى باللغة الإنجليزية sin

إليكم هذا المثال

sin x مضروب في مقلوب المتغير n

نختصر ال n مع n

بيصفي six

يعني 6

يالله حيهم

ولا القعدة في الدار

أما الآن ..

يلا إطلعو فووووووووووورصة علشان نرجع بعد قليل ..

أنتم تستمعون إلى إذاعة بيت فجار
إشرب بيبسي ومزمز مقالي

شو مفكر

أنا .. أبو زيد خالي

وبحكي اللي براسي طوالي

أي ** ولا على بالي

عدنا ..

الدرس الرابع:

الأسس

على أسس إنكم فاهمين شو الأسس

توزيع الأس على الجمع

ومع بيتر

والمعلم محمد كاتبله عالورقة

Very funny Petter

يعني انبسط

والأحلى كاتبله آخر شي

etc..

يعني بالعربي

الخ الخ ..

يلخ عظمك بسيارة باطون .. قولو آمين

الدرس الخامس:

قراءة ذاتية وبدون صوت

وخاصة لطلاب التوجيهي والذين لم يحالفهم الحظ

جماعة النهايات

عقبال ما نسمع نهايتكم .. من هالسنة

طبعاً LIM يعني بالعربي نهاية

لا يروح فكركم لبعيد

بعرفكم أغبى من هيك

بس بتعرفو

مرات بحس حالي إني بدي أفتخر لإني عربي

يلا إطلعو استراحة علشان في واحد مبين عليه أموره معقده

-
-
-

ويعطيكو الحافية يييييييييييييي قصدي العافية

اختكم المحبة الاستازة(عاشقة الموت)

هههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههه

الله يخرب فنك يا عاشقة المووووت شو هالنهفة
هههههههههههههههههههههههههههههه
بعدين ليش الرياضياااات ههههههههههههههه

مشكورة حلوة كتير

هههههههههههههههههههههههههه

مشكوره يا عاشقه
نهفه من الاخر لضيق الوقت مش رح اقدر اعلق اكتر من هيك

تحياتي للجميع

هلا بالاستاز المساعد فلنتينو (محمد)

صحيح انتبهت لاسمك بالموضوع ولا لأ؟ والمعلم محمد كاتبله عالورقة

ويسلمو ايديك على المرور وانشالله تكون النهفة عجبتكم
تحياتي

اختك المحبة(عاشقة الموت)

هلاوالله بألم الفراق منور يا خال

وانا هدفي من الموضوع لحتى تضحك انتا والاعضاء الحلوين
وتحياتي الك ولمرورك

اختك المحبة(عاشقة الموت)

جد نهفه يعطيكي العافيه عاشقة كتير حلو الكلام ههههههههه
تقبلي مروري

هلا حبيبتي مرسي الك منورة يا عسل..

اختك المحبة(عاشقة الموت)

السلام عليكم
مشكورة كتير ع الموضوع النايس
بس ازا كل الاساتذة متلك ما بننجح
ههههههههه بمزح
و كمان قصة الجيوب مزبوطة ميه الميه

تقبلو الاحترام

مين أخو المحترمة اللي زت هالشبشب

ههههههههههههههههههههههههههههههههههههههه
مشكوره عاشقه الموت جد موضوع نهفه
تقبلي مروري

هلا حبيبتي عاشقة منورة يسلمو ايديكي
ولك احمدي ربك الف مرة انو عاشقة مو استازة كان رحتو فيه بجد
اي بعرف انو مزبوطة لزالك نزلتو هالموضوع خاصة عشان الجيوب
هههههههه

اختك المحبة(عاشقة الموت)

هلا والله خيو رامي بحكي ليييييييييييش الموضوع منور هاد انتا كاين مار عليه

يسلمو ايديك على هالمرور الرائع
وتحياتي الك

اختك المحبة(عاشقة الموت)

هههههههههههههههه لا انتبهت لاسمي موجود عشان هيك سالتك
ههههههههههههههههههههههه

بس بجد اقوى نهفة بتصير بالمنتدى

هههههههههههههههههههه

تحياتي الك

تسلمي عاشقه الموت النور نورك هاد جد خجلتيني

مشكوره كمان مره
تقبلي مروري

هههههههههههههههههههه

نايس كتير
مشكوره

هلا بالاستاز محمد منور ولوووو الله يخليك

هلا وغلا رامي ويسلمو ايديك كمان مرة والشكر الك
هلا بحبيبتي هدولة الله يديم هالضحكة ياا رب
وتحياتي للجميع

اختكم المحبة(عاشقة المووت)

ههههههههههههههههههههه

ههههههههههههه

مشكوووووووووووورة كتير عاشقة جد نهفة

هلا صابرينو الله يسعدلي هالضحكة ياا رب يسلمو حبي نورتي

اختك المحبة(عاشقة الموت)

مشكووووووووووووووووووووووورة عاشقة الموت
يعطيكي العافية
عنجد نهفة حلوة كتير
يسلموووووووووووووووووو

hadel

أول نهفة لعاشقة الموت... 13e2ea7738

هلا حبيبتي هديل يسلمو ايديكي يا عسل منورة

اختك المحبة(عاشقة الموت)