حكاية جدتي

موضوع: حكاية جدتي الأربعاء فبراير 18, 2009 12:17 pm

كانت زمان جدتي بتحكيلي حكاية بحبها عن بنت في شقاوتها مفيش اتنين جميلة وقلبها كبير زي البحر بيدي الحب لناس كتير وقع في حبها كتير من الشباب لكن هي ماحبتش غير شاب واحد كان قاسي عليها ومع كده غزلت حبها وقدمت له قلبها لكنه رفض حبها , ومع كده رجعت لحياتها لكن عمرها ما حبت غيره , وفضلت سنين عمرها تعدي وهي بتستناه , تعدي سنه ورا سنة والبنت زي الوردة كل ما مر الوقت عليها تدبل والناس تبطل ترويها لكنها كانت عنيده وحبها مالي قلبها ولما حد يسألها تقول عمر حب القلوب ما كان ذنب نتحاسب عليه وعدي الزمن بيها وأنتهت ساعات عمرها ولما سألوها إيه أخر حاجة نفسك تشوفيها قالت هو , ولبي الطلب وجه يشوفها قبل ما تموت , وأول ما شفته إبتسمت وقالتله أنا كده خدت من الدنيا اللي أنا عايزاه يكفيني تكون أخر من شافته عيني ,فأخدها في حضنه فماتت بين أحضانه , ساعتها حس قد إيه حبها وأنه عاش سنين عمره محروم من حبها , وكل ما كانت جدتي بتخلص الحكاية كنت بحزن قوي وأعيط علشان البطلة وأقول لجدتي أنا خايفه لما أكبر أكون زي البنت دي ويموت حبي جوايا , فكانت جدتي تخدني في حضنها ,وتقول صغيرتي أحنا بنحب مش علشان نتحب لكن علشان نعيش بالحب وعدي الزمن بيا وكبرت ولسه فاكرة كلام جدتي , الكلام اللي خلاني أحب كل الناس وعمري ما كرهت

موضوع: رد: حكاية جدتي الخميس فبراير 19, 2009 6:58 am

حلوة كتير القصة والصور

يعطيكي العافية

موضوع: رد: حكاية جدتي الخميس فبراير 19, 2009 8:34 pm

» حكاية رجل أسلم على يد نملة
» حكاية الى عشاق برشلونه
» حكاية وطني .. ((فلسطين نبض في قلوبنا))
» هذه المرة هذه حكاية من الأخ الأكبر للمؤمن كالغيث ومع أبشع حادث سمعته !!