مرحبااا يااا حلوين
هاد يا جماعة الخير رح بلش بالكلام من البداية من العلاقات يلي بتصير بين الشباب والبنات
يعني نحنا ما عم نآمن إنو فيه شي إسمو صداقة الجنس الآخر (يعني صداقة بين شب وبنت) وأي نوع من أنواع الصداقة منحولو لحب شلون قلب وليش ما حدا بيعرف
ومنبلش نحول الإعجاب الأخوي لإعجاب عاطفي ومنقلب الموازين
والشب مجرد ما البنت قالتلو أنا معجبة فيك بقول بتحبني وبتموت عليي والبنت إذا قلها الشب معجب فيكي بتقول بينها وبين حالها ياي بحبني
خلونا شوي عقلانيين من هي الناحية وطبعاً يا جماعة الخير أنا ما عم اشمل الكل بحديثي لأنو الشمول باطل
طبعاً هاد التصرف الغبي من قبل الشباب والصبايا (وأنا آسف على هي الكلمة لأنو ما رح لاقي مقابل إلها غير كلمة ساذج وما بتعطي المعني يلي أنا بدي ياه) بحول العلاقات لاسطورة حب كاذبة دائماً تنتهي بالفشل الذريع ومنضيف إلى ذلك إنو نحنا كمان لما منختار بعض علاقاتنا العاطفية بتكون إختيار عاطفي ولا مناقش الفكرة بشكل عقلاني نهائياً يعني واحد بحب وحدة من غير دين وبيجي بالأخير لما بتقلو البنت ما بدك تخطبني صار إلنا شي مليونين سنة مع بعضنا بيتذكر إنو هنن من دينين مختلفين ومدري شو وصعب ياخدو بعضهون كمان هاد الشي فشل ذريع ومنجي بالأخير منقول هو خاين وهي خاينة ما إنتو التنين فشلة ما عرفتو حالكون رح توصلو لهي النقطة يعني ليش ما فكرتو بعقلكون من الأول
بعدين شو هي أزمة الثقة أنا مو معك بهي العبارة أنا بسميها أزمة تفكير أزمة عقل لأنو عند كتير من الشباب والصبايا للأسف انعدمت
لاحظوا يا جماعة الخير معي نقطة
إنو الشب بكون هلأ فايت عالجامعة طالب جديد أو حتى البنت طالبة جديدة بكونوا قاعدين بجو ما فيو اختلاط كبير وفجأة بيجو عالجامعة والبنت بتشوف شباب بوشها كتار هاد يلي بدو يتعرف وهاد يلي بدو يصادق وبالمقابل نفس الشي بالنسبة للشب بكون قاعد مخنوء ما بيعرف يحكي مع بنت كلمة وفجأة بلاقي شي عشر تالاف بنت بوشو فبتلاقيه فات بالحيط وببلش بقا يعمل إنو هو راندفو الحبيب وهي بتعمل البنت العاشقة الرومانسية (وطبعاً بأكد على فكرة إنو أنا ما عم اشمل الكل منشان ما حدا ينتقدي يقول أنا مو هيكوطبعاً ما عم اقصد حدا معين بكلامي منشان ما حدا يقول عم تقصدني بكلامك) ويمكن ولا واحد من بيناتهون بيعرف من الحب غير كلمة أوحشتني وما شاء الله من معرفتو بالصحابة بصير بيترضى على عنتر وآله أجمعين وبتصير عبلة أم المؤمنين
إذاً يا جماعة الخير
خلونا شوي عقلانين بكلامنا وبقراراتنا بموضوع الحب بالذات
هلأ انا من ناحيتي ما بقول إنو البنات خاينات بسبب تجربة غبية مرقت أنا فيها وبأطلق حكمي متل البعض على كل البنات لأنو فيه وحدة خانتني ولا بقول إنو كل الشباب عاطلين لأنو فيه واحد اتضحك على شي صبية بعرفها سواءً أكانت صديقة أو قريبة أو غيرو
يعني حاجتنا نطلق أحكامن بالعموم بسبب تجربة فاشلة مرقنا فيها
وحاجتنا ولدنة تحياااات اخووكوو كااااااااااااااااااتم مع احترااامي للكل
الجمعة ديسمبر 11, 2009 6:27 pm
