شباب تعالو هون بسرعة....

مرحبا شباب كيفكو

بدي رأيكو في هالموضوع وبكل صراحة

لو انت بتحب بنت كتير وهي كمان بتحبك كتير

وهسا صرتو تحكو مع بعض ع التلفون وهاد شي عادي يعني لانو بتحبو بعض كتير

وانت بتعرف انو هي ما بتحكي الا معك هسا لو انت صار الوقت انو تخطب وتجوز هون السؤال

هل رح تروح تخطب هاي البنت

ولا رح تحكي لا مهي كانت تحكي معي ع التلفون اكيد هاي صايعة وتبلش تتهبل

؟؟؟؟

يا ريت لو كل الشباب يردو وبكل صراحة

مممممممممممممممممممممم ازا بكون بجد بحبك بعملهاش اما ازا بتسلا فهو رح يعجب وازا واثق فيكي اكيد رح يضل واثق فيكي وما يحاول انو يشوه بسمعتك بس ازا هو مو واثق فيكي فعلي العوض منو العوض بكون هو مش واثق بحالو اصلا ولا فيكي

تحياتي
واحلى تلات

يسلمووو يا حب على المرور

وبدي رأي الشباب

واحلى تلات

بالنسبة الي ك رامي

احنا ولاد بلد وبلدنا ضيقة وبنعرف بعض
واكيد كل شب فينا بيعرف تقريباً اغلبية البنات
وخصوصا في مجتمعنا ما في شي بيتخبى
يعني ازا البنت اخلاقها سكر خفيف
بالنسبة الي اكيد مش رايح افكر فيها لانها
رح تكون لقمة سهلة للجميع .
بحب اقول انو البنت الي بتكون محافظة ع حاليها
اكيد الشباب بيكونو يعرفو انها محترمة وهاد الحكي مش رايح يأثر

مشكورة اميرة المنتدى

والبنت زي الزجاج ازا انكسرت ولا عمرها بتتصلح

وفي مثل دارج بيت الشباب :

البنت ازا ضحكت وبين نابها الحقها ولا تهابها

مشكورة اميرة المنتدى ع طرح هيك موضوع

انا تقريبا مع اخوي المشاكس في الي حكا

ازا كانت البنت من برى البلد وانا ما بعرفها او ما بعرف اهلها مستحيل انو افكر ارتبط فيها
مش لاني بضحك عليها , لانو ما بعرفها ولا بعرف اهلها

انتو بتحكو عن حالة حب وازا كان الشب جد بحب البنت اكيد مش رايح يفكر زي
ما بتحكي يا اميرتنا لانو هو بكون قلبو معلق فيها ورح يعمل المستحيل عشان
تكون جنبو .

والبنت اكيد بتقدر تميز انو الشب بيضحك عليها او لاء
بالنسبة النا احنا شباب اليوم وبتوقع اغلبية شباب المنتدى
من الاصل مش فاضيين لهل شغلات يعني الواحد فينا بدو
يقعد يعلق في بنات الناس وبعدها قال ما يخطبها .
انا بوجه نصيحة لكل بنت ما بتكون ضمنانة نتيجة
علاقة مع شب انو تنهي هل العلاقة باسرع وقت .
بلاش تقعد باقي عمرها وهي قالبيتها نكد وانتو عارفين بنات
هل الايام قال بتزعل من شب بتقعدلها شهرين في الفراش .
من الاخر عشان اريحك يا اميرتنا
بالنسبة الي شلبي
ازا بكون بعرف البنت ومتاكد منها ومن اخلاقها ما في عندي مشكلة
انو تكون شريكة حياتي
وركزوووو اكون بثق فيها وفي اخلاقها وبحبها بجد

تحياتي على هل الطرح الرائع
وتقبلي مروري

يسلموو كتير المشاكس وشلبي

جد رئيكو كتير منيح ومهم كمان

تحياتي الكو على الرد

انا بالنسبة الي البنت الي بتفكر تحكي مع الشب

ما بوخذها لو بدها تطق وتفقع
لانو البنت الي بتسمح لحالها تحكي مع شب بتسمح لحالها تحكي مع غيروو

والو بدو يحب بنت في الها بيت ودار
يجي الدار من اوسع ابوابها

ويطلبها من اهلها

خلص بعتقد الصورة وضحت

size]ما علينا يا مندلينا

المهم انو انا رأي من رأي رامي وشلبي انو الشب اول اشي يعرف كل اشي عن البنت
ويكون بثق فيها وبتحبو وهو كمان نفس الاشي يحبها .

بغض النظر بحكو على البلفون او على الاميل بس مش تكون بتحكي مع 29 وهو رقم 30

وتمثل عليه انها بتحبو وبتموت عليه ومش عارف اشي

اهم اشي الثقه يا عم

ومشكورة يا اميرة على الموضوع

مع انو خفت من العنوان

انا قلت ولعت طوشه

هههههه

ههههههههههههه يا العنكبوت

بس انا شايف انو سحب الايمان رأيو ما بطمن

ما علينا يا مندلينا هع هع

أميرة المنتدى سؤالك كتير مهم بس انا رأيي انو الشباب ما رح يفكرو يرتبطو بالبنت الي بتكون عامله صداقات مع الشباب وبتحكي مع اي حدا.بس ازا بتكون هيا مخلصه بس الو انشالله انو هو كمان بكون صادق ومخلص الها.

مشكورة اميرة المنتدى على السؤال

سحب الايمان انا مو موافقك برائي

مشكوره اميره

مشكورة منار على ردك والمشاكس كمان يسلمووو كتير

موضوع مهم وانا ضد انها بنت تحكي مع شاب على التلفون
يدون علاقة شرعية وانا بعتبر هالشغلات كلها تسالي
ومثل ما حكى سحب كل بيت الوا باب بقدر الشاب يدخل منوا
ويطلب البنت الي بدو اياها
وانا مستحبل اتجوز وحدة كانت تحكي تلفونات مع الشباب

انا بالنسبة الي البنت الي بتفكر تحكي مع الشب

ما بوخذها لو بدها تطق وتفقع
لانو البنت الي بتسمح لحالها تحكي مع شب بتسمح لحالها تحكي مع غيروو

والو بدو يحب بنت في الها بيت ودار
يجي الدار من اوسع ابوابها

انا بلنسبه الي كل وحده حسب ما بتكون متربيه

ومشكوره

كويس كتير النقاش

طيب يا جماعة احنا بنحكي عن انو يحب البنت يعني لسا مطول لحد ما يخطب ولا يجوز

يعني بدو يدق الباب للحب ما بصير

وبعدين البنت ما بتحكي مع غيرو يعني احنا في وقت غير عن زمان

وبعتقد انو الشب اذا بحكي مع بنت ع اساس انو بحبها ومستحيل يرتبط فيها لانها كانت تحكي

معو بكون للاسف ما بفهم

ولو انو يحكيلها من اول مستحيل يرتبط فيها اذا بتحكي معو هي من اول ما بتحكي

مش بعد ما حكت

وكل احترام للردود

اها مزبوط حكيكي يا اميره بس بدك اول شي شب يكون واثق من حالو واثق من حبيبتو يعني ازا بحب من الاصل فمش رح يهمو شي الا انو بحبها واثق انها بتبادلو نفس الشعور وهاد الشي ما رح يخلي ياذيها وانا بعترض عحكي الاخواه انو ما في حب وابصر شو لانو الحب موجود بس بدو ناس تفهمووو يعني عالم تقدر بين قوسين وبتصور احنا صرنا بزمن منفتح اح في العقليات القديمه وكل الاحترام لجميع الاراء كل واحد برد حسب وجهة نظرووو وفهمو

وتحياتي
احلى تلات

ولك يسلموو كتير يا حبي على ردك

كتير كلامك معقول ومنظقي

وبتمنا من الشباب انو لما يردوا ما يفكرو انو كل بنت بتحكي مع شب بتحكي مع غيرو

لانو هاي النقطة غلط لانها اذا بتحبو وبكون واثق فيها اكيد مش رح تحكي مع غيرو

ومشكورة هدولة

واحلى تلات

حبيبتي ولووووووووووو هاد واجبي

تحياتي

واحلى تلات

الطائر الجريح هسا انتبهت ل ردك

احنا بنحكي ما كانت تحكي مع شباب بس كانت تحكي معك انت

انا من جهتي وبدون زعل ما بثق في جنس حواء

لانو الي بتحكي معي اليوم بتحكي مع غيري وهاد شي اكيد

بلنسبه لبنات تحدي الي بتعلق شباب اكتر مو قصة حب كلو كزب

قصص الحب بتكون نادره هل الايام والله يستر علي كل بناتنا وخواتنا

وتحياتي

والله موضوع مهم كتير

انا من وجهة نظري انو البنت لازم تكون اول شي تثق في الشب

واذا حصلت الثقة بين الشب والبنت وكان في حب حقيقي مش تسالي

وبعديين كل واحد فينا بيعرف الحب اذا بيكون تسالي ولا حب حقيقي

اذا حصلت الثقة
مش غلط يتعرفو اكتر على بعض عن طريق التلفون بس يكون بضوابط وبحدود الادب
يعني البنت مش لازم ترخي لشبب كتير وكمان الشب ما يوخد الشي انو هي البنت فتحت مجال
لا لازم نفكر تفكير سليم بهيك امور وتفكير عقلاني ونكون واعيين كتير

وانا ما عندي مانع اني اتزوج من بنت كانت تكلم معي على التلفون يعني بس معي وتكون بتحبني بجد وبكون عارفها ودارسها وما اعتقد انو اتنين بحبو بعض ونيتهم خير انو يكون كلامهم غلط على التلفوووون ...

بس بدي احكيلكم شي حولو الشريحة دردش عشان تحبو بس بعد ال12 ويوم الجمعه ارخص هههههههههههههههههههههه
هاااااي مزحة بمزح يا جماعه

تحياتي الك
المراقب العام

بس بدي احكيلكم شي حولو الشريحة دردش عشان تحبو بس بعد ال12 ويوم الجمعه ارخص هههههههههههههههههههههه
هاااااي مزحة بمزح يا جماعه

ههههههههههه حلوة منك يسلمو على الرد

وكل الاحترام

صحيح ارخص بس ياريت يكون معنا كروت مشان نقدر نحكي بعد 12

يا اميرتنا

ياريت شركه جوال تلغي الجمله لي بتحكي لقد تبقيه لديك
دقيقه اتصال

مشكوره

والله انك من الاخر يا فلنتينو رايك حلووو بتفهم يا عمي مع انك علمي بس بتفهم هههههههههههههههههههههههههههه

تحياتي الك ولاميره
واحلى تلات