كيف تعرف الشخص الفلسطيني من بين سكان العالم؟؟

السلام عليكم

دليل :كيف تعرف الشخص الفلسطيني من بين سكان العالم ؟؟

* بيفهم في الطب وبيشخص المرض وبيوصفلك الدوا وبيفهم في الكهرباء

وتصليح السيارات والطبخ والسياسة والقانون والواجب و الدين

و الحسابات والكورة وهو أبيض ياورد .

* بيحط الريموت كونترول في كيس نايلون حتى ما يتغبر ولا يضيع ولا يتوسخ .

* أكثر إنسان عنده عضلات قد ما ولاده أكلو منه قتل .

* بس يقعد يتفرج على التلفزيون بيضل ينقل من محطة لمحطة كل دقيقة .

* بيوقف يتكلم على الباب نص ساعة بعد إنتهاء الزيارة والسلام .

* في خزانة المطبخ عنده عشرين مرطبان مربى فاضي منشان اذا

احتاج يستخدمها ومازال مُصِر على جمع المزيد.

*ييجي بعد الموعد بساعة وربع دون ان يعتذر.

* يتكلم بصوت عالي في المكالمة الدولية منشان التاني يسمعه .

* بيعتبر حاله أفضل واحد في الشراء والمفاصلة ثم يكتشف إن الشي في المحل

اللي جنبه أرخص من غير مفاصلة.

* بيحتفظ بأكياس محلات اللبس والأحذية وورق الهدايا تحت فرشة التخت لسنوات .

*عنده صينية مكسرات مقسمة لتلات او أربع أقسام منشان المزاج لكن لايستخدمها ابدا.

*بيشتري قبل الإفطار في رمضان مواد استهلاكية متوفرة عنده في البيت .

عنده منقل شوي للرحلات وسياخ طبعا ومولع فحم وعدة رحلة كاملة وخلافه

موجودين بالسيارة كجزء أساسي من حياته الأسبوعية .

* أول ما يشوف منظر طبيعي وزرع وخضار بصير يحكي بينه وبين حاله ( بدها هش ونش ) .

* دايما ماشي بالسوق هو ومرته وإبنهم الصغير ( دايما بعيط وخنانته نازلة ) والولد

بحكي الجملة المشهورة ( بدي هــــاي ) مع تنهيده قوية تنم عن القتلة اللي باقي

ماكلها من أبوه طبعا أكيد بوسط السوق وعلى مرأى من البشر.

* بيتخانق ساعة دفع الحساب بحرارة شديدة على إنه هو اللي لازم يدفع.

* بيفرش شرشف التخت على طقم الكنبايات منشان الكنباية ما تتوسخ، ولما

يجوا الضيوف يترك الشرشف وما بشيله.

* بيطفي سيجارتو بفنجان القهوة مع انو في منفضة على الطاولة .

* دايما بدور على الاشي الكويس والرخيص وابن الناس وبموت في اشي اسمه " لقـــطة "

* بفهم بالسياسة ورأيو دايما هو المزبوط وكل العالم خونة والقضية باعوها وقبضو حقها.

* دائما يعيش ضمن الحلم ولا يقبل بان يخرج مما يحلم.

* دايما عامل حاله أكثر واحد عنده كرامه في العالم.

* دايما بوصي اولاده " اوعى الناس تضحك عليك .. واكيد طول انهاره بذل اولاده

وبقولهم شوف ابن فلان احسن منك وعامل مقارنة بينهم وجايب لولاده احباط.

* بتفوت عنده في المطبخ راح تلاقي " تنكة زيت زيتون" , " نصية جبنة " ,

" تنكة زتون غير المراتبين اللي فيها زتون " بالاضافة للاعشاب

هاي " زعتر نوعين عالاقل , ميرامية

وبكون حاططهم في خيشه , انواع متفرقة من الاعشاب " لكي

يمارس الطب فيها على البشر.

* اكلاته المفضلة " قلاية البندورة" واكيد لازم يدعي انه مافي حدى بيعرف يعملها زيوو

ودائما بيفتخر فيها وبيفتخر في قرنين الفلفل اللي بيحطهم عليها

وبضل يحكي عنهم قديش بيحرقو وتعتبر من الاكلات اللي بتناسب جميع الأوقات وكل

الاماكن يعني ممكن يفطر او يتعشى او يتغدى عليها كلو بصير مع قلاية البندورة

لامستحيل ابدا, طبعا بالاضافة للاكلات الاخرى زي المجدرة , شوربة العدس وطبعا بيحاول

يفهم اولاده دايما على السفرة قديش هي مفيدة واذا واحد رد عليه وقلو اللحمة يابه

كمان مفيده بظربه قتله وبقوله قوم عن السفرة على اساس انه طارده من على سدر منسف

واكيد اخوانه بصيرو يطلعو عليه وبستجريش حدا يحكي مرة ثانية على الاكل انو مش زاكي.

* "قتلة الاولاد ماقبل النوم" هي بمثابة قصة ماقبل النوم عند الشعوب الاخرى

لان القتل قبل النوم هو اسهل وسيلة فعالة للنوم السريع علشان هيك بس يكبرو

اولاده بتمسحو وببطلو يحسو بالقتل اللي بوكلوه وطبعا لازم هو ومرتو يفتخرو

قدام الناس ويحكو عن القتلة اللي الاب طعماها لابنو والمصيبة

انو الابن بكون بسمع ومبسوط انهم بحكو عنو .

* كل مايشوف محل شغال كويس بصير يحسب للمحل قديش بطلع في الشهر

واكيد تراوده " في احلام اليقضه " فكرة انو بدو يفتح محل وبدو يعمل مشروع

كل ماشاف واحد صار معاه شوية مصاري وبضل طول عمره يحلم ويفكر قي هالاشي

ولاكن تبقي كلها في احلام اليقضة تتوارثها الاجيال جيل بعد جيل

* لازم كل مايروح اجازة على الاردن او يمر منها يروح على مطعم هاشم وعلى

حلويات حبيبة اللي في وسط البلد اعتقادا منه انه همه تحديدا احسن ناس

بتعمل اكل وعلشان بس يطلع من الاردن يحكي اني رحت.

* طبعا في المجلس دائما بتكلم عن الفرص اللي صحتلو زي قطعة الارض

اللي نعرضت عليه قبل عشر سنين وكان سعر المتر دينار وهسة سعر المتر 5000 دينار

وانو نعرض عليه جبل كامل بعشرين ليرة بس هو ما رضي فيه وهسة طبعا

الجبل هادا هو بكون الجبيهة والا عبدون والا الشميساني

ارجو من الجميع المشاركة

مشكوره عاشقه الجنه بس ناسيه تحطي اشي بتعرفي شو هي

يوم بدك تعرفي انو فلسطيني بتعرفي يوم يركب الباص هجوم على الباص هاد اكبر دليل انو يكون فلسطيني مشكوره كمان مره

هعععععععع

* بيحط الريموت كونترول في كيس نايلون حتى ما يتغبر ولا يضيع ولا يتوسخ .
هاي اكتر شي عجبني ويا رامي نسيت كمان اشي انو دايما مهموم وما معو مصاري لو معو كل مال الدنيا

السلام عليكم

رامي شكرا ع المرور اخي الكريم نورت الصفحة.....
ويمكن معك حق كتير بهالموضوع وما بعرف ليش مع انو الكل رح يركب
بس خلص هيك بفكرو

وتر حزين نورتي الصفحة بمرورك......
وانا كمان بشوفها هاي كتير انهم يحطو الريموت بالكيس

تقبلو الاحترام

هل هذا هو تعريف الفلسطيني
هل هذا ما خرجتم به لتكي تعرفو انفكسم
من انتم حتى تعرفو الفلسطيني
وفي اي قاموس من قواميس اللغه والعلم تتواجدون

أعلم اختي انكي قد نقلتيه من منتديات اخر بهدف الفكاه
ولكن كان الاجدر بصاحب الموضوع الاصلي ان يعرف حجمه
قبل ان يتفوه بمثل هذه االكلمات التي يعتبر نفسه فيها مضحكا
اما اذا اردات فعلا ان تعرف الفلسطيني
ـ تراه كشجرة نخيل تقسو عليه الريح العاصفة يميل أحيانا و يثبت أحيانا لكنه لا ينكسر .. همسه في نسيم الليل ليس كهمس الشجر .. همسه أنين .. زعفه رغم ارتفاعه تراه ناظرأ لجذوره .. يضرب بجذوره في أرض قاحلة جرداء و يرتوى منها بدون ماء .. جسده يابس لا تقطعه المانجل بسهولة .. يصعد على جسده الكبير و بمجرد أن يأكل من تمره يمر بجواره دون أن يشعر به .. يرميه الناس بالحجر فليقي أطيب الثمر .. قد لا يعطي ظلا بقدر ما يحتفظ بشموخه ... لا يذكره العالم إلا في أيام معدودة أيام طرحه للخير .. أو عندما يفكرون بقطعه .. و بقية العام تراه يكابد بمفرده حرارة الصيف القاسي .. نأخذ منه أكبر مما نعطيه نحن .. يبدو جافا من الخارج .. لكن بداخله بياض ناصع .. أغلب الناس يتاجرون باسمه قبل موعد طرحه .. إن رأيته جافا أعطاك أعسل ثمار .. و الرطب منه نملأ به به ديارا و ديار .. لون الثمر الأحمر مروي بدمائه .. و الأسود منه مخلوط بشقائه ... .... هكذا أرى الفلسطيني ...
ومن يراى الفلسطيني غير ذلك فلا عتب عليه لان القلم قد رفع

ههههههههههههههههههههههههههههههههههههههههههههه

مشكووووووووووووووووووووورة عاشقة الجنة على الموضوع
متميزة دايما بمواضيعك حبيبتي انتي

تحياتي

السلام عليكم

صمت شكرا اخي ع مرورك نورت الصفحة
واكيد الفلسطيني ما بدو حد يحكي عنو لانو معروف بنبلو اكيد
انا حطيت الموضوع بس للفكاهة مو اكتر واكيد ما بخلى مجتمعنا من هيك اشخاص يعني مجتمعنا مو كامل من كل شي

اميرة القلوب نورتي الصفحة حبي
ويسلمو ع المرور

تقبلو الاحترام

مشكورة عاشقة الجنة

الله يديم فلسطين واهلها

صمت

كبير يا مان

تحياتي

السلام عليكم

فوضى منور اخي الكريم....
مشكور ع المرور

تقبلو الاحترام

مشكورة عاشقة الجنة

موضوع رائع من عضوة متالقة
يسلموا خيتوا

الاخت عاشقة الجنه

تقبلي مروري
اذا كان الموضوع من باب الفكاهه فلا غبار عليه
حياك الله فوضى

السلام عليكم

الطائر الجريح شكرا ع المرور
النور نورك اخي ........

صمت نورتنا بمرورك اخي الكريم
اهلا وسهلا فيك

تقبلو الاحترام

* اكلاته المفضلة " قلاية البندورة" واكيد لازم يدعي انه مافي حدى بيعرف يعملها زيوو

ودائما بيفتخر فيها وبيفتخر في قرنين الفلفل اللي بيحطهم عليها

وبضل يحكي عنهم قديش بيحرقو وتعتبر من الاكلات اللي بتناسب جميع الأوقات وكل

هههههههههه

موضوع حلو ومميز يسلمووو إيديك
ويعطيك العافية

السلام عليكم

The hell مرورك الاحلى اخي
مشكوووووووووووووووور

تقبلو الاحترام

مشكوره عاشقة الجنه على الموضوع

صمت نورت الموضوع يا كبير

السلام عليكم

الم الفراق نورت الصفحة
اهلا بيك اخي

تقبلو الاحترام

ههههههههههههههههههههههههههههههههههههههههه

مشكوووووووووور ع الموضوع

تحياتي

السلام عليكم

بيسو شكرا ع المرور ............
نوررررررررررررررررتي

تقبلو الاحترام

» الشخص الذي رسم الكاريكاتير عن الرسول صلى الله عليه وسلم
» كيف تعرف الشخص الفلسطيني من غيره
» صور فتاه أغرت معضم سكان العالم بجمالها!
» اكبر لاب توب فى العالم اكبر بطيخة فى العالم اكبر..... في العالم ادخل شوووف
» لكي تجعل الشخص يحبك في اقل من 90 ثانية .,.,.,****.,.,.,