حلم الزواج !!!!!!!!!!!!!!!!!!1

يا جماعة أنا كشاب من شباب بيت فجار بحب أنقل معاناة الشباب بشكل عام وبالأخص في قريتنا " بيت فجار "
يعني الشاب فينا بنشف ريقه تمنوا يجمد تكاليف الزواج !!!!!!!!!!!!!
يعني البنت ما بتكون بنت الا تمنوا الشب يدفع الي فوقيه والي تحتيه عشان يتزوجها ؟؟؟؟
والا شباب اليوم مليوناريه من غير شر ؟؟؟؟
والا العادات والتقاليد الي بتحكم عالشاب بالموت البطيء لما يفكر بالزواج ؟؟؟؟
والا ...
والا ...
والا ...
شو بدنا نحكي !! الله يفرجها علينا

بسم الله الرحمن الرحيم

مشكوووووووووووور

يا اخي على الموضوع

والله يا اخي مش عارفين شو بدنا نسوي

الله بعين والله يفرجها علينا

تحياتي

مهند البوليس

ما علينا الا الصبر ... لتمنوا يفرجها ربنا

ههههههههههههههههههههههههه
هههههههههههههههه

بتعرف موضوع الزواج بشكل خاص بالبلد
زي قضية فلسطين

يعني مش رح تنحل رح تزيد سوووء
يعني البنت لما تشوووف غيرها من البنات عملت هيذ وهيذ بتصير بدها زيها
وعلمك الخسران الوحيد في القصة الشب

انا بدي اقدم الكو صورة على الموضوع بس

حلم الزواج !!!!!!!!!!!!!!!!!!1 Small8200825211357

انا بدي احكي انو اذا البنت بتفهم على رايي

بتضل مع الشب الي بتحبو غصب عن الجميع وما يحسبو حساب لحد

وبقول للجميع انو الثقافة هاي الي ما بتمت للاسلامم بصلة ما بدنا اياها

لانو الاسلام ما بطلب من الشب ثروة هائلة عشان يتزوج

لانو اذا بدنا نضل ورا العادات والتقاليد راح ما يتزوج غير الغني وبس
واحنا بتروح علينا

شكرا على الموضوع وتحياتي

المراقب العام

يسلم لسانك يا " فلنتينو" ... بتصدق فشييييييييييييييييييييت غلي ..
أنا ومن اليوم رح أسعى في موضوع الزواج ...بس ان شاء الله رح يكون بمبلغ رمزي
مش ذهب وكسوة ونوادر فاضية ..
مع العلم يا جماعة انوا "عزيز دويك" زوج بناتو الثنتين ب 500 دينار بس
وما تخافوا يا شباب الدنيا ما بتخلا من ناس أفاضل زي "عزيز دويك"

مشكور على الموضوع الرائع

بس يعني من حق البنت توخذ الي بدها اياه في الزواج
وخاصه الذهب
الذهب يعني هو مش الها الذهب منيح للزوج والزوجه يعني لو اشتريت ذهب كتير مش رح يضرك رح ينفعك في المستقبل يعني لا سمح الله يمرض طفل يعصير مع اشياء بدها مساري
يعني بتلاقيهن في موعدهن يعني بدي اشبه الذهب زي الصديق
الصديق وقت الضيق
تحياتني

طيب واذا الشب مفلس ... ومع ذلك مصر انو يتزوج !!!!!!!!!!!!!!!!1

شو الحل يا " ألم الفراق " ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الحل يشتغل واذا ما بدو

الحل بصير الي ما معو ما بلزمو

حكيك مزبوط الم الفراق

أنا شايف لو كل الشباب بدهم ياخدوا برايك ... رح يصير كوارث !!!!

أنا مش فاهم قصدك لما تقول للشب الي بدو يتزوج وما معوا المصاري الي بكفوا لحق الذهب " الي ما معوا ما بيلزموا "
يا أخي ما بصح هيك
احنا ولاد بلد واحد .. وعارفين بعض ... وأغلبنا عايش تحت خط الفقر ..
بس خلينا نكون واقعيين شوي :
احنا لما أبعدنا عن الدين صار مقياس الشب قديش معو مصاري !!
في الوقت الي كان فيه المقياس : قديش الشب ملتزم وعندوا دين ..
والي بصير هسا فسق وفجور رح يخلف فساد في مجتمعنا ..
وبعدين يا أخوي بدي أسألك وجاوبني بصراحة ؟؟؟؟؟؟؟؟
شو بدك تحكي لشب بدو يتزوج ومصر عالزواج .. ومع ذلك ما معو هالثروة
واذا ما تزوج رح يرتكب جريمة أخلاقية ...
طبعا عندك في بيت فجار وكل الدنيا ملايين من أمثال هذا الشاب ؟؟؟؟
شو رايك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
... يعني لو بدنا نمشي عرايك .. رح نعطي مجال للفساد والإنحلال يتفشا بينا ..
يعني يا أخي الله يرضا عنك !!!
روق أعصابك
وخليك ريلاكس .. وخد وأعطي
بلكي نصل لمسودة اتفاق بتلزم العائلات في بيت فجار بتخفيض المهور وتكاليف الزواج
ربنا يوفقنا جميعا

جزاك الله كل خير

بس بنفس الوقت لما يجي شب بدو يتزوج وما بقدر يصرف على بنات الناس

بعتقد يضلن ببيوت اهلهن احسن

اول شي بالنسبة للموضوع

او عنوان الموضوع كتير ملفت للانتباه
بشكل يعني بصراحة خلاني احزن على الشباب
وخلاني بصراحة احتقر او ازعل من البنات اللي خلو سنة من سنن الحياة تصير حلم
لي عودة ان شاء الله للموضوع
ومناقشة للاراء فيه
وارجو ان يكون رايي واضح ومفهوم

الله يفرجها عليكو يا رب

والله الشغلة كلها عادات وتقاليد
وتقليد الناس لبعضهم

كل واحد بيحكي
يعني هي بنت فلان بشو احسن من بنتي

وبتصفي القصة هيك
الكل بدو احسن شي لبنتو

الله يفرجها على الجميع

شكرا على التفاعل مع الموضوع
عصف الحنين
وزي ما حكت الاخت دموع كلها عادات وتقاليد
مشكورة اخت دمووع على المرور الرائع
بس ياعصف الحنين معقول الشب بدو يرتكب فاحشه او مش عارف شو
زي ما بحكيلك انت فكر للمستقبل مش تفكر للوقت الحالي
يعني قصة الذهب انو بنفعك للسمتقبل
والي ما معو مصاري يصبر في ثلاث اشياءبتتيصر
بسرعه
الزواج والدراسه والبناء

لو الناس كلها بتعرف وبتقدر الوضع الصعب الي احنا بنعيشو

ولو الناس تقيدة بموضوع القوانين الخاصة بالزواج الي وضعها كبار ومشايخ البلد

كان ما صار مشاكل

بس بنرجع نحكي العادات والتقاليد

والله يا جماعة احنا ضحية ...
ضحية لعادات وتقاليد مبتدعة ما الها أساس من الدين
بس بضل أملنا بالله كبير ..
وبشكر أخي بالله " ألم الفراق " ، أنا بأحترم وجهة نظرك بس بأختلف معك في قضية الإسراف الزائد عن حدوا والي بخلي الشب يشيل فكرة الزواج من راسوا من الأصل
...
وبعدين الدنيا مليانة بالدلائل عكلامي :
قسم كبير من الشباب لما تضيق فيهم بيلجؤوا لطرق الحرام
وفي نفس الوقت .. لا تخلوا الدنيا من الشباب الملتزمين المتمسكين بالدين
**** الحل الوحيد لمشكلتنا هو " الرجوع الى الدين وأحكام الدين " ****

في الحاله هاي الشب بكون هامل عشان هيك رح يتبع طريق الحرام

بس يا ريت تشرحلي شو هيا احكام الزواج ومهر البنت في الدين
يا ريت توضح يا عصف الحنين شو مهر البنت
في حالة اذا كان مهر البنت قليل والمؤخر تاعها قليل رح يصير كل يوم يطلق خمس او ست بنات من الحاره
ورح تكبر نسبة الزواج يعني الشب رح يصير يتزوج خمسة وست بنات
تحياتي الك

شوف يا أخي ألم الفراق :
الدين واضح !!
وأحكام الدين واضحة كمان
والطريق كمان واضحة ....
والي بدوا يكون انسان مستقيم رح يصل للإستقامة ..
والي بدوا يخوض في الدين ويتطاول عالدين ويمشي طريق المنحرفين ربنا بتوكل فيه ..
واذا بدك تعرف أحكام الزواج عد أكمن شيخ عندنا في بيت فجار ؟؟؟؟؟؟؟؟؟؟؟
ولما تعدهم مليح .. اختارلك واحد منهم خليه يفتيلك في الموضوع ..
لأني أنا معلوماتي في الدين عقدي !!!
وشكرا

بس معلش بدي اغلبك بما انك صاحب الموضوع
انت الي لازم تسئل
ولازم تشرف على موضوعك
وانتظر الاجابه
تحياتي الك عصف

الله اكبر بعدين معك عادل بعدين يعني

لازم نظل لابسين العبي من وراك
نازل تقطيم في الاعضاء بكفي
انا وحكيت مش مشكلة بتحملك يا سيدي ومش بس هيك بتمون ياعمي علي
طيب والباقي
بعدين شو هاي اللي ما معو ما بلزمو يا جماعة
شو يعني لو واحد صار عمرو 50 وهو ما معو مش لازم يتجوز
لا الشغلة مش هيك
احنا بننظر للزواج انو ذهب ومصاريف وكسوة وحكي فاضي من الاخر
بس انسينا انو الشغلة اكبر من هيك واعمق
انا بصراحة لما قرات الاسم حلم الزواج
بصراحة سبيت على كل واحد ما برضى يزوج بنتو الا للي بدفع اكثر او بطلب فيها مبلغ كبير
لانو هيك الواقع بطلب فيها
كانها هي سلعة
ونسينا انو المهر تكريم للمراة مش ثمن الها
لانها لو كانت ثمن للروح هاي
كان انا اول وحدة بطلب مليارات مهر الي
بس لا يا جماعة اقلكن مهورا اكثركن بركة
لازم كل بنت تقتنع انو المهر مش ثمن الها
وانو الشغلة مش بنت عمي اشترت ذهب ب4 الاف انا لازم كمان اعمل هيك
لانو احنا مش بسباق
بجوز الشخص اللي تقدم الها كان معو واللي تقدم الي ما كان معو
ليش يعني اكلف العالم فوق طاقتها
بعدين بالنسبة للشباب اللي بدهم يتزوجو يتاكدو انو المصاري للزواج والتعليم ربنا بيسرها من عندو
انت ما بتعرف شو ممكن يصير
يعني الواحد يتوكل ع الله ويعقد النية وبعدين بصير لكل حادث حديث
مش بالاول المصاري
بعدين بس اكون حالي بعد اكم سنة بصير بدي اطلب واستقر
يعني عالاساس هاد في ناس رح يضلو عزابية لانو بصراحة الواحد اللي ما عليه التزام
ولا بعمرو بجمع مصاري
بس الواحد لو كان خاطب مثلا بصير يوفر بحس حالو مضطر
اما لو ما كان مرتبط بحكي عادي مش مشكلة اذا ما ارتبطت هاي السنة اللي بعدها
واصرف ما في الجيب ياتيك ما في الغيب
وهيك الشباب بفكرو انا بعرف
مصرفجية من الاخر
بس لما الواحد تكون فوق راسو حماة قوية تظل تزن فوق راسو وام تظل تخبي الو مصاري
صدقوني صدقوني
بظرف سنة اكثر شي بكون متزوج
هاي انا نظرتي وبتمنى انو ما حد يفهمني صح
قصدي غلط
هههههههههه
بس في الاخير رسالة للكل
اول شي البنات لازم كل وحدة تحاول تخفف من مهرها وهي قنعانة انو المهر مش سعر وما تظلو تنظرو لغيركو
والاباء انتو كمان شدو على ايدين بناتكم انهم ما يغلو
وانتو الشباب تفائلو وان شاء الله خير
واذا بدكو بنعمل حملة هيك كبيرة زي اللي صارت قبل فترة

يسلم السانك اخت بوسي كات

ما ضل حكي نحية اثمن على كلامك
وربنا يوفق شباب وبنات المسلمين لما فيه الخير

هاد الموضوع من اجمل المواضيع الي شفتها في المنتدى والنقاش فيها حلو وان شاء الله بكون بناء .

من وجهة نظري انو الموضوع كتير حكو في قلبنا وما لقولو حل انا مش بقول انو مستحيل بس صدقوني انو صعب . وانا مع عادل في الموضوع بس مش زي ما بقول انو الي ما معو ما بيلزمو لا هيك غلط . بس برضو لا انا ولا انتا بنقبل انو ازا الي بدها تتجوز ما تكون زي البنات وانا متاكد انو اي واحد فيكو ما بيقبل انو اختو او بنتو ما تكون مبسوطة وراضية عن حالها زي باقي البنات عشان هيك ممكن ازا صار اتفاق ع حد معين في البلد يكون الموضوع عادي وتنحل المشكلة . اما هيك شغلات فردية ما بيزبط .

مشكورين اخوتي وخواتي على التفاعل .

» تطور الزواج
» هل الزواج بلا حب يعيش ؟ !!
» الزواج المبكر
» صور كاريكاتير عن الزواج ههههههه
» مهر البنات عند الزواج في الاسلام