كيـــف أنســـى؟؟!

غبت ودي ابتعد وانسى هواي
وطول غيابي ولكن مانسيت
وزاد شوقي في غيابي من عناي
وزاد حمل ٍ لو بشيله ماقويت
كيف ابنسى وانت ساكن في حشاي
في ظلايم وحدتي شمعك ضويت
كيف ابعد وانت يالغالي معاي
في مواني بحر احساسي رسيت
في جروحي في دموعي في رضاي
عايش ٍ فيني لك الخفاق بيت
في خيالي في ابتسامي في بكاي
في وجودي في شرودي لو سريت
ادري انه مافرق عندك غلاي
وادري اني غير شخصك مارتضيت
وادري انه ماروى منك ضماي
وادري اني لو غدر قلبك وفيت
همت فيك لاخري لاقصى مداي
تهت فيك وذبت فيك ومارتويت
صرت طب الروح ياجرحي ودواي
فيك حلمي لو انا لحظه غفيت
بس تدري يابعد نبضي ودفاي
ليش رغم الحب مافي يوم جيت
لني لو كان الوصل غاية مناي
ما اذله خافقي مهما حييت

تحياتي"
~ عسلاوي ~