هل الحب يمنح الطرف الاخرالحق في التحكم بحياته

مرحبا اصدقاااائي رح اطرح موضوع كتير مهم والكل بيتغلب منووو وانا اول واحد

رح بلش ورح اكتب كلشي من عندي

احيااناا الواحد بيحس انو عايش بس مش عايش

متدايق مبسوط هل الحب يمنح الطرف الاخرالحق في التحكم بحياته Mad

هل الحب يمنح الطرف الاخرالحق في التحكم بحياته Mad

هل الحب يمنح الطرف الاخرالحق في التحكم بحياته Smile

مهموم غلبااان هل الحب يمنح الطرف الاخرالحق في التحكم بحياته Redface

ولو اجيت للسبب رح تلاقي الحب هو اكبر سبب عامل فيه هيك ان كان بنت ولا كان شب

رح وقف شوي واسئل سؤال اول والجميع عليه يجاوب عليه ::

؟؟ الحب في اغلب الاحيان ما بينتهي بزوااج ..شو السبب برأيكم ؟؟

هل الحب يمنح الطرف الاخرالحق في التحكم بحياته Marriage

الحب بيعطي الحق للشب والبنت انو يتحكمووو بحياة بعض

ما بعرف ايش نظرة البعض لهاد الموقف

بس انا بقول حاجة وحدة لو يجرب كل حبيب ويعيش هاد الشعوور رح يكون اقرب للانسان الي بيحبو
وما رح يحس بالعزلة والوحدة من الحب ورح تكون حياتو كلها خير وحلووووة ااذا الله راااد

سؤال ثاني بدي الاجابة عليه

ليش الي بيحبو ما بيخلصو بالحب لدرجة انهم يتركووو اي شخص الحبيب مش حابو او مش رايدوو بحياتو
او حتى موقف معين .. هل السبب عدم التنازل للطرف الاخر ... ما الحب بيقال عنو تضحية

هل الحب يمنح الطرف الاخرالحق في التحكم بحياته Simply%5B1%5D....love

الشاب والبنت الي بيحبو بعض انا بنظري الاثنين يبعدووو عن الجنس الاخر

مثلا انا بحب بنت ...ما بحب شب يتعرف عليها ..مع انو شي علط و 99.0% من الي رح يقرأ الموضوع رح يحكي لاااااا

بس انا هادي وجهة نظري وهووون بيكون نوع من الاخلاص لانو الدنيا بالايام هاي ما الها امااان ممكن بيوم تلاقي حبيبك مش بحياتك

شو ممكن تعمل لو لقيت بيوم من الايام الحب تاعك ضاااااااااااع ....
رح تستسلم اكييد لكل شي من حولك اذا كان الحب صادق
وما رح تفكر انو تضل عايش يوم بالمكان او الدولة الي الطرف الاخر عايش فيه ..

هل الحب يمنح الطرف الاخرالحق في التحكم بحياته 352719762_f5d2a9a0b9

سؤال ثالث للجميع

دايما نهاية الحب بتكون بزواج البنت .. ما بتعرف الاسباااب بس بغالب الاحيان بتكون مادية .. طيب هل الحب هو تسلية ...
لماذا لا تصبر حتى يفرجها الله على من احبت ... ام انها تحب التمتع بالحياة وتفقده الحياة وتحمله اكثر من طاقته ؟؟

هل الحب يمنح الطرف الاخرالحق في التحكم بحياته 537image

نهاية حب ارقى من من الزواج لا ترى
وسعادة حبيبين يوم الزوااااج لا يوجد

هل الحب يمنح الطرف الاخرالحق في التحكم بحياته Happy_marriage_couple

وزواج حبيبين في الدنيا لا تمر الا نااادراً

ومن يتزوج من لا يحب لا ترى منه سوى العصبية والحياة البائسة

هل الحب يمنح الطرف الاخرالحق في التحكم بحياته Couple_Divorce

مااااا السبب
هل هي العادات ام التقاليد ام فهمنااا للحب بطريقة خاطئة
اسئلة كثيرة وكثيرة وكثيرة
لا يراودني منها سوى القليل

وفي النهاية اتمنى للجميع حب سعيد وحياة اسعد

وبتمنى من الجميع يشارك بالموضوع

واي سؤال بيطرح على بالكم ما تبخلو علينااا

خليه موضوع نقاش

والتوفيق من عند الله

تحياتي لكمممم

مشكوررة كتير هدوله ع الموضوع السبشل
يمكن كلامك صح بس تنسيش العباره القائلة
(نحن نصنع اقدارنا بايدينا)

هل الحب يمنح الطرف الاخرالحق في التحكم بحياته Icon_rolleyes

شو ممكن تعمل لو لقيت بيوم من الايام الحب تاعك ضاااااااااااع ....
رح تستسلم اكييد لكل شي من حولك اذا كان الحب صادق
وما رح تفكر انو تضل عايش يوم بالمكان او الدولة الي الطرف الاخر عايش

اول شي يا هديل كتير من المرات بتيجي الخيانة من الطرف الاكتر بسبب الاخلاص الزايد من البنت او الشب ومجرب وبحكي عن تجربة بس لما تكتشفي انو انت مخلصة من بداية اللي بسمو الحب وبعدها تكتشفي الطرف التاني كان يخونك من اول العلاقة بالعكس ما راح استسلم وابينلو ضعفي لانو راح يكون مبسوط بالعكس الضربة اللي ما بتكسرك بتقويك وراح اثبتلو اني بقدر اعيش من دون اللي اسمو الحب ومن دون اللي اسمهم ادم وبالعكس راح اضل عايشة بالبلد وامشي حياتي عادي صح باول الموضوع راح ازعل بس بالنهاية في حياة وبدي اعيشها

نهاية الحب بتكون بزواج البنت .. ما بتعرف الاسباااب بس بغالب الاحيان بتكون مادية .. طيب هل الحب هو تسلية ...
لماذا لا تصبر حتى يفرجها الله على من احبت ... ام انها تحب التمتع بالحياة وتفقده الحياة وتحمله اكثر من طاقته

ولا مرة لما اللي بحب لو بحب عن جد من اول ما يبلش العلاقة ببلش يفكر بالمستقبل لو ببلش يحوش من مصروفو لو شيكل شيكل بس شبابا الايام هاي اتكالين لدرجة بتخنق وبعدين كل العالم صارت جنب دراستها تشتغل وبتوقع مصاريف الزيادة فيك توفر منهم صح وبالعكس اصلا لما البنت تكون شايفة اللي قبالها صادق مستحيل تبدلو لو بكنوز الدنيا وبتصير هي وهو يفكرو شو بدهم يعملو وكيف يحوشو مصاري للمستقبل

مشكوووووووووووورة هدولة

معك حق nolove

والله الايام هاي الحب صار مجرد تمضية وقت

احساس عابث مشكور علمرور نورت

صابرين تحياتي لمرورك
نو لف حكيك ميه ميه بس هو فش حب ولا احنا الي بنلعب بلحب وخلينا يصير وهم؟؟؟

مسا الخير جميعا

مشكورة هديل على طرحك المثير للجدل

بداية الحب موجود وحقيقي ورح يضل موجود ...خيانة زواج لعب تسلية هاي الامور كلها الانسان الي بسويها.....وبعيدة كل البعد عن الحب...يعنني حتى انة نقول بتسلى ولا اي مسمى باسم الحب مستحيل تمشي....والكل صار واعي وبعرف صدق مشاعر من كذب....طبعا الي بتمشي علي هيك امورر بتصور من جواه بعرف الصح بس بكون عندو نقص او اي مسمى كان وبكون مستمتع في الامر حتى لو خدعة....

هل يحق للبنت او الشب انو يتحكم بحياة حبيبة...بما انة بنحكي عن الحب والحب الصادق بين طرفين
ليش نسميهه تحكم طيب...سميه تفاهم خوف ع الاخر من حق كل طرف يعرف ووين وليش ومع مين وكيف وشوو بتصرف حبيبة...وما في حد بفرض ع التاني شي ما بدة اياه...طبعا الي في حالات ما بكون فيها نقاش ولا اختلاف عليها...بتكون غلط يعني ما عليها نقاش....اعتقد براي يحف للطرفين التحكم اذا انتو شايفين انو تحكم

لش ما بخلصو للدرجة الي بتحكي عنها..مين قلك ما بخلصو..

لما الشب واالبنت صادقين مع بعض بتصور بخلصو لا بعد من هيك وطبعا في اشي ضمن العقل
.اي اشي غير هيك انسووو انكووو بتعرفو شو معنى حب.

زواج البنت وترك حبيبها بغض النظر عن الاسباب

بجاول بكل اريحية انو البنت كانت تتسلى في الشب كانت تملي فراغ بغض النظر عن قوة السبب الي خلاها تتخلى عنة.

nolove
انتي بتحكي البنت مخلصة لابعد درجة بس الشباب الا يام هاي اتكاليين....

اسمحيلي اقلك انك غلطانة جدا...ياما شباب ياااما طافحين الزفت عشان بس يقدرو يخطبو ولا يربطو البنت الي بحبوها...وبتفاجا بلحظة والله حبيبتك اليوم خطبتها
لا تلومي الشباب في كل شي والدنيا زفت والوضع زفت ....يا اخوان الشب اذا حب بنت حبها صح ما بكون في راسة الا كيف تصير الو..
فلا تحطو دايما اللوم عالشب...البنت في هاي النقظة بذات مقصرة...وبتكون بتتسلى
ومش كل اصابعك واحد...اذا انتي مريتي بتجربة فاشلة لا تحكمي ع كل الشباب فشلة زي حبيبك

بدي اسالكن انت يا البنات...لو الشب الي كان يحب وبصدق بحب والحبيبة تزوجت وتركتة

وكان هالشب اخوكن انتن ...سالتكن بالله مع مين بتقفن وعمين بتحطن الحق..؟؟

واخير

زعل نسيان فرحة دمعة فراق اشتياق

حياة

كلشي غير هذا فهي مجرد اشياء تشبه الحب

تحياتي هدوولة

وسوري للاطالة

يعطيكي العافية هدولة على موضوعك الحلو

الحب في اغلب الاحيان ما بينتهي بزوااج ..شو السبب برأيكم ؟؟

لانو بالغالب بنكون اخترنا الشخص الغلط سواء شب او بنت والى ما اختار غلط وكان بحب بجد الظروف بتمنعه وممكن يكون مجرد اعجاب والشخص فسرو على انه حب وبالاخر انتبه انو ما بمس للحب بصلة

الحب بيعطي الحق للشب والبنت انو يتحكمووو بحياة بعض

بنظري لازم الشب والبنت الى بحبو بجد يعرفو كل كبيرة وزغيرة عن بعض وانا بشوف انو تلقائي الى بحب رح ييجي يوميا يحكي لحبيبه شو عمل بكل يومه سواء كان هالاشي شخصي او بشكل عام ....انا ما بسميها تحكم ما بعرف شو اسم هالشي بس بعيد عن التحكم وحلو انك تحكي لحبيبك كل شي وتاخد رأيه بكل شي

ليش الي بيحبو ما بيخلصو بالحب لدرجة انهم يتركووو اي شخص الحبيب مش حابو او مش رايدوو بحياتو
او حتى موقف معين .. هل السبب عدم التنازل للطرف الاخر ... ما الحب بيقال عنو تضحية

طالما حكيتي عن الاخلاص فتأكدي انك ما بتحكي عن حب بمعناه الحقيقي استحالة الى بحب يخون او ما يخلص لحبيبه واذا فكر يبعد والظروف بتسمح انو يرتبط بحبيبته فهذا ما كان حب من البداية قد يكون بمسمى التسلية او الاحتياج العاطفي او التلاعب بالمشاعر او اى مسمى بعيد عن الحب

الحب تضحية وكتير بصير في تنازلات والى بحكي عن الكرامة مع الحب ما ظنيت فاهم شو يعني الحب لانو الحبيب بحافظ عكرامة حبيبه اكتر منه يعني الحب الحقيقي بجد تضحية
شو ممكن تعمل لو لقيت بيوم من الايام الحب تاعك ضاااااااااااع

ما بعرف شو ممكن اعمل والحب ما بضيع حتى لو اجبرتنا الظروف انو نبعد الحب رح بضل معنا وين ما رحنا وشو ما صار فينا

بالنهاية كل شي ورا النصيب والظروف اقوى من الجميع

وقصة انو الحبيب بحب والبنت تروح تتزوج ما تنسوا انو في اهل بجبروا بنتهم على اشي استحالة تقدر تغير في اشي يعني البنت كمان بتكون عايشة مشاعرها وقلبها وكل تفكيرها مع انسان ومجبرة تتزوج انسان تانى

بالنهاية الله لا يحرم اى حدا بحب من حبيبه ويصفي نفوس الى بحبوا ويضل كل واحد محافظ على حبه حتى لو اجبرته الظروف انو يبعد

سوووووري عالاطالة

ههههههههههههههه هلا والله بفوضى والملاك
نورتو الموضوع ولا اطاله ولا اشي بلعكس راي مهم وياريت باقي الاعضاء يعطونا وجهة نظر ويكملو النقاش

عجبـآ

هل هكذا الحب..
من اي ثقب تنظرون.. وفي اي ارض تمشون..
هل هكذا تذهبون الشمس وهكذا وتحملون النور..

واذا اردت ان اقول الحب فليس من السهل..
ولكن المشهد هنا .. المشهد الذي ارى الحب فيه جسرا. تتسابقون في ذبحه وصلبه لعبوره الى قبرقكم وهو في مسمياتكم السعادة ..

عجبا..

المشهد صعب.. وجعلني ابني حضارتي على كلمات لطالما ذبت في فراغات حروفها.. تقول الحب الاخضر.. الحب الصفصفاف.. دائما:

"
الحب ليس روايةً شرقيةً

بختامها يتزوج الأبطالُ

لكنةُ الإبحارُ دون سفينة

وشعورنا أن الوصول محالُ

هو أن تظل على الأصابع رعشةٌ

وعلى الشفاة المطبقات سؤالُ

هو جدولُ الأحزان في أعماقنا

تنمو كروم حولة وغلالُ

هو هذه الأزمات تسحقنا معاً

فنموت نحنُ .. وتزهر الآمالُ

هو أن نثور لأيّ شيءٍ تافةٍ

هو يأسُنا .. هو شكنا القتالُ

هو هذه الكف التي تغتالنا

ونقبل الكفَّ التي تغتال .. "

نزار قباني

فيا عالم فلق الذرة.. عجبا.. عجبا لفتات مشاعركم الميتة.. تحكمون على الزهرة
بالاعدام.. وبايديكم تحملونها الى المقصلة..

وليست مسألة..

فالقضية اكبر واكبر ..منذ القدم

وفي النهاية هذه ثرثرة قلم

لكم التحية

والله يافوضى انت حكيك صح بس برضو في هيك وفي هيك وبرضو في بنات بطلعو عالقرش زي ما بحكو بدورو عشب مقرش بس انا حكيي حكيتو من تجربة ويا سيدي حقك علي والايام هاي عارف كمان الغلط فمين فاهل البنت الكل بدو مهر ككبير وبدو متعلم وما بعرف شو خلص قال الحب ما بطعم خبز يا عمي انتين متفقين وبدهم بعض ليه نخرب عليهم الله يوفق الجميع

اه معك حق ازا التنين متفقين الاهل

بخربو الحب ما بطعمي خبز
بدهم مصاري وبيت ومتعلم
هم معهم حق بكونو خايفين علينا
بس اشي ومنو

صح اشي ومنو يا بطة بس برضو لازم اللهل يراعو ظروف الشباب ولا ما بعود حد بجوز حد

اه معك حق

اه اذا البنت بدها الاهل يراعو بتعرف كيف تخليهم يراعو

ايام بدك تاخذي غصب عنك ولت وراحت

محدش بغصب حد على شي ....يعني القرار في النهاية بايد البنت...وفهمكم كفاية

اه

ان شاء الله بكون القرار بيد البنت
وانت يا فوضى من اهل البلد وبتعرف كيف بفكرو اهلنا

فش اشي اسموووووووووووو حب الايام هاد اخرتوووووووو الواحد يوخد بنت ما كان مفكر فيها والعكس صحيح

اكيد كلنا بنعرف بيت فجار يا صابرين وبنعرف شو بفكرووووووووووو انا بوافقهم مش اني متخلف واشي بس احنا في مجتمع شرقي مش في اوروبا او امريكا

مشكوره هدول اخر كلمه بقولها لا يوجد حب في الايام هادي

تقبلووووووووو مروري

والله يا رامي ما احترامي الك وللجميع يمكن ما حبيت صح او حبيتو صح
الحب موجود من ملايين السنين
حبو صح واسالو فوضى
وشوفو الحب كيف؟؟؟

معك حق انس كلامك 100%

ويا رامي عاداتنا ما بحكي عنها متخلفة بس زيادة عن الزوم متعقدة

اول شي ثرثره منور

وردك راقي وجميل صابرين ونو لف محوركو انو الحب والمصاري ازا المصاري كلشي شو صفا للمشاعر صفينا حصالات حطي بلواحد شيكل بمشي ولا شو رايكووو
رامي في حب بس احنا الي دمرنا وخربنا بيتو ومفهومو لانو بنلعب في مش بنحس في
احساس عابث نورت مشكور علمرور
فوضى ردك راقي وكبير كعادتك
وبرجع بقلكو احنا بنأدمين مو حصلات المصاري بتمشيها ولا شو رايكو؟؟؟

رامي

لا تشد حيلك وانتا تقول فش حب

الحب موجود واذا انتا برضو مريت بقصة فشلت لا تحكم ع الكل

وانا متاكد انك بتعرف وشفت قصص حب صادقة وماشية صح

والباقي عندكو

معكو حق

في حب الايام هاي بس مو كلو صادق

مشكورة هديل وفوضى

اوك انا بحكيلك الحب موجود بس انا بحكي عن الايام هادي صدقني ما في حد بعرف شو الحب اذا في حد يمكن قليل نادر

معك حق فوضى يمكن انا مريت بتجربه حب فاشله بس ما بمنع انا احب مره تانيه الحب حلوووووووو انا ما بنكر هاد الشي بس بدك حد يعرف احب

يا صابرين انا ما بحكي انوووو البلد متخلفين صحيح في ضظوطات كتير على البنت وعلى شب كمان لانووو طبيعه بلنا بتختلف عن كل البلاد التانيه

حبيبي فوضى كبير كل الاحترام

بصراحة انتو مكبرين القصة

الحب موجود هلأ وزمان وبكل لحظة بس احنا الى ما بنعرف كيف نعيشه

لما الشخص يكون بحب وولهان وعاشق بكون يحكي ما في احلى من الحب وانو الحب موجود بكل مكان وبكل وقت

بس لو صار اي اشي وترك حبيبه بصير يلعن الساعة الى حب فيها ما بتزكر انو بلحظة كان ناسي الدنيا مش فاكر منها الا الحب

حاولو تفهمو الحب صح وشو ما كانت نهايتو ما تنكرو انو ما حبيتو او ما في حب بالدنيا

لكم احترامي

» إن الإنسان قبـل الحب شيء وعنـد الحب كل شيء وبعـد الحب لا شيء
» الإنسان قبل (~الحب~) وبعد (~الحب~) وعند (~الحب~)
» ابراهيموفيتش يمنح برشلونة الفوز امام ريال مدريد بالتسلل .....
» برنامج التحكم بالحاسوب عن طريق الهاتف
» بقلم الصحفية والكاتبة نداء ثوابته (ماهو الحب ؟؟هل الحب دقات فقط؟؟)