ازاي تجنني زوجك....
لو عايزه تخلي زوجك نموذج للتعاسه والشقاء
ويمشي حافي في الشارع ويكلم نفسه
اسمعي ياستي
1-اذا حاول يرضيكي اوعي تشكريه وعلي طول بعيوب اهله فكريه وان حاول يصالحك
فخاصميه
2-استقبلي زوجك بلهفه
اول ما يدخل من الباب حاصريه بالاسئله والاستجوابات وصدعي دماغه بالشكوي من العيال
3- تعطري له
يعني اقعدي طول اليوم في المطبخ بين الثوم والبصل وعرق اليوم واول ماتسمعي صوته دخل من الباب انزلي فيه احضان ده كفيل يخليه راقد في السرير اسبوع ده لو مامتش
4-اهتمي بمواعيد راحته
يعني اعرفي يوم اجازته واعملي حاله تنظيف في البيت وشغلي الغساله والمكنسه في وقت واحد
وطلعي قرفك في العيال وزعقيلهم بأعلي فولت كأنك في الاوبرا وكل مايجي يقعد في حته قوليله " قوم انضف تحتيك" حتي لو نضفتي الحته دي مايه مره رذاله بقي
5- اعتني بملابسه
يعني كل ليله قبل النوم تفرغي جيوبه من الفلوس ولو لقيتي اي اوراق تدينه ممكن تستعمليها وتبتزيه بيها وكمان اهتمي بنظافه ملابسه حرام ياعني بس كتري وحياتي الكلور مع الهدوم الملونه تاثرها فوري وفعال
6- اخفضي صوتك
يعني لماتيجي تقطعي في فروته مع امك احكي بصوت واطي لكن لما تيجي تتكلمي معاه استخدمي الفولت العالي وليكن شعارك"خدوهم بالصوت ليغلبوكم"
7-اذا اشتري لك ولاولادك شيئا فابتسمي
ابتسامه استهزاء وقوليله "ياما جاب الغراب لامه"
8-اذاطلب منك كبايه مايه
قوليه "قوم شرب نفسك هو انت مشلول "
وده بنيه سليمه علشان بس يعتمد علي نفسه
9-اظهري له انزعاجك الشديد حين يمرض
لان معني ده هايخد اجازه ويقعدلك في البيت ودورك بقي تضيفيله علي الم جسمه الالم النفسي
10-عليكي ان تؤمني بالامثال الشعبيه وتردديها كتير قدامه
"يا مامنه للرجال يا مامنه للميه في الغربال"
"الراجل ياخد الست لحم ويرميها عضم"
"قصصي ريش طيرك قبل مايلوف علي غيرك"
"الراجل بيحب المراه اللي تنشف ريقه وتجريه ولا يحب اللي تطيعه وتهنيه"
11-انكشيله دايما شعرك واوعي تسرحيه الا في المناسبات الخاصه
بمعني اصح اعمليله فيها امنا الغوله
12- لا بس كده كفايه
السبت مارس 27, 2010 1:51 pm
