لماذا يتباهى الشباب بكثرة علاقاتهم بالبنات؟؟

موضوع ..جدير بالنقاش.. ولدي الكثير من التساؤلات
والاستفساار من هذه التصرفات ...
في ظل الانفتاح الاجتماعي الذي تعيشه المجتمعات الغربية تغير الكثير من العادات والمفاهيم والتقاليد.. والأفعال في حياتنا...فبعد ان كانت العلاقة بين الشاب والفتاة مرفوضه .. أصبح أمراً عادياً ومألوفاً ان الشباب ينتقلون من علاقة الى أخرى .. ومن فتاة الى اخرى..؟؟؟هذا الامر شي عادي لدى المجتمعات الغربية لكن اصبحت تنتشر وبشكل رهيب في مجتمعاتنا العربية....والخطير في الامر استسهال العلاقات العاطفيه وتعددها واعتبارها امرا عاديا لدى كل شاب.....
اصبح تباهي الشاب بكثرت تعدد علاقاته ومعرفته بالبنات شي عادي وطبيعي...حيث يعتبر هذا الشي في نظر اصدقائه بالشجاعه....يباهى الشاب بان الفتيات يدرن من حوله ويسعين اليه.....بالاضافه الى ما يقوم به الشباب من نشر القصص والحكايات التي تدور بينهم وبين الفتيات..
تجعل الفتاة تعيش في عالم من الاوهام...تحلم وتبني حياتها مع ذلك الشاب
ولكن بعد مايفقد ذلك الشاب الفتاة اعز ماتملك الا وهو شرفها....يتخلى عنها وقد يفضحها في كثير من الاحيان ويستغل ضعفها وخوفها للفضيحه......وبذلك تخسر الفتاة شرفها وشرف اهلها....ناسية ومتناسيه انه هناك عقاب ينتظرها من خالقها....نسيت مراقبة الله لها وكل ذلك بسبب الكلام المعسول الكاذب الذي اغراها به احد اولاءك الشباب.....يتركها بعد ان اوهمها بالزواج ويسير ماشيا فاضحا ومتفاخرا بما فعله
و الاخطر من ذلك ان بعض من هؤلاء الشباب يستغلون الفتاه بطريقه اخرى حيث لا يفقدها شرفها ولكنها في الحقيقه قد فقدته ولكن لا يستطيع الطب الشرعي اثبات تلك الفضيحه... الفضيحه التي لا تدركها غير الفتاه بعد ان تصبح رخيصه ...
لماذا كل هذا التباااهي والافتخااار ؟؟؟
لماذا كل هذه النذاله والاهانه في حق الفتاه؟؟؟؟
لما لا ينظر الشاب لهذه الفتاه على انها اخته او امه او احدى اقاربه؟؟؟؟
ام انه تحدي بينه وبين الشباب ..من يقدر على اصطياد اكبر قدر ممكن من الفتيات؟؟؟؟
ام انه يرضى غروره بهذه الطريقه ؟؟؟ ام انها وسيله لاشباع رغباته الدنيئه؟؟؟؟
هذا واقع للآسف
يخاف الشاب على اخته من بقيه الشباب .. ولا يخاف من عقاب الله
ان الله شديد العقاب...
ايها الشاب الا تخااااف من ان يعاقبك الله في امك او اختك او احد اقاربك
قد يعاقبك الله فيهم و هذا عقابك بالدنيا فما بالك بالاخره
اسئله تحتاج الى اجابات.....
أرجو من شباب وصبايا المنتدى النقاش بهذا الموضوع الهام والخطير في مجتمعنا .
تحياتي للجميع وأرجو أيضا الرد ياحترام وعدم التجريح .

عنجد موضوع رائع يا اخي احلى انوس يستحق الوقوف عنده للتعليق وابداء الرأي
لماذا كل هذا التباااهي والافتخااار ؟؟؟
لماذا كل هذه النذاله والاهانه في حق الفتاه؟؟؟؟
عنجد ليش بيتباهو بالشي الي بيعملوا بالبنات

مرات كتير البنت بتكون ما الها خص بس بدو يكسرالها راسها عشان ما قبلت منو رسالة او رفضتو او اتكبرت عليه(زي رد اعتبار لنفسو)

لما لا ينظر الشاب لهذه الفتاه على انها اخته او امه او احدى اقاربه؟؟؟؟

وكمان شباب كتار لما يحبو يحكو مع بنت بس بكون قصدهم على انو تصير حبيبتو او اي شي تاني

وما بعرفو انو يمكن يكون يجمع البنت بالشب اخوة او صداقة او احترام او زملاء (يا عمي يعني ما بربط اي شب باي بنت غير الحب )
ام انه تحدي بينه وبين الشباب ..من يقدر على اصطياد اكبر قدر ممكن من الفتيات؟؟؟؟
ام انه يرضى غروره بهذه الطريقه ؟؟؟ ام انها وسيله لاشباع رغباته الدنيئه؟؟؟؟
وانا بحكي للي بيفكر بهطريقة انو ما تعدى تفكيرو تفكير الحيوانات اجكلم الله

يعني انا انسان انت انسان ومشاعر الانسان وافكره شيء مقدس مو لعبة وتسليه ورضاء غرور ورغبات

ولكن بعد مايفقد ذلك الشاب الفتاة اعز ماتملك الا وهو شرفها....يتخلى عنها وقد يفضحها في كثير من الاحيان ويستغل ضعفها وخوفها للفضيحه......وبذلك تخسر الفتاة شرفها وشرف اهلها....ناسية ومتناسيه انه هناك عقاب ينتظرها من خالقها....نسيت مراقبة الله لها وكل ذلك بسبب الكلام المعسول الكاذب الذي اغراها به احد اولاءك الشباب.....يتركها بعد ان اوهمها بالزواج ويسير ماشيا فاضحا ومتفاخرا بما فعله

هون بحكي للبنت قيمي الهبل والغباء على جهة الشرف مش لعبة مش انو مجرد شب غبي حكالك حكي حلو تصدقي وتفكري حالك اميرة وملكة جمال ههههه (بيضحك عليكي يا شاطرة)

واحسن حل انو على شان تبعدي كل هلاشياء الخطرة عنك انك ما تحبي ولا حد ولا تسمحي لاي شب انو يحكي كلمة معك برة الطريق وخلي كل الشباب الي حوليكي بمثابت اخوتك واصدقائك (بعيدا عن علاقة الحب الغبي)
وستني النصيب

نسيت مراقبة الله لها

ويا حلوين عقاب الله للبنت وللشب بكون مش انك شب بدك تملص من العذاب

وخصوصا لما تكون تحكي على البنت كلام مالو لزوم (قذف المحصنات ) وهاد شي من الكبااااااااائر

على فكرة صرنا نخاف من شي اسمو زفت حب من كتر ما بنسمع وندير بالنا كتييييييير

ومع هيك ما شاء الله عن لسنت بعض شباب هلبلد كلام طالع نازل (وكلو كلو كلو كذبببببب)

شكرا اخي العزيز انس موضوع في قمة الروعة

مشكورة أختي
يارااااا
عنجد زاد موضوعي اشراقا" وبهجة بردك الرائع
وأنا الحمد الله هي يارااا اعتبرتني متل اخوها يعني انا اخوها وممستحيل اكون اكتر من هيك
أرجو من جميع الاعضاء المشاركة بالردود
لنشوف الشباب شو راح يكون ردهم
الموضوع مهم كثيرا"
انا ما بقدر أرد ع الموضوع أكتر من الي ردتو أختي يارا
لانو رأيي من رأيها
والحمد لله أنا مو من هالنوعية من الشباب

وأحلا أخت بالكون يا يارا
مشكورة

عنجد انت اخ عزيز يا انس وكل شباب البلد والله والله والله اخواتي

وخصوصا الي بتعامل معهم لاني تفكيري الحمد لله مش بدائي عشان اعتبرهم مش اخوتي
وانت والله بشهد يا انس انك مش من نوعية الشباب الي في الموضوع

هل .... ؟ هل ؟........وهل؟؟

اسئلة كثيرة تطرح نفسها والغرض واحد الا وهو الوصول إلى اجوبه شافية

لتلك الأسئلة. .
.. فما ..

دافع الشباب لمثل هذه السلوكيات .

تقبلوا تحياتي مع بالغ الأسى لشبابنا الذين اصبحت الدنيا أكبر همهم .

و أتمنى أن نجلس جميعاً على طاولة الحوار لنناقش هذا الموضوع ..

أرجو التفاعل...

اكيد هاد نقص داخلي بالشباب ومرض نفسي كمان بدو علاج عند الدكتور بس انا برجع وبحكي انو الحق على البنت لانها بتصدق هيك خرافات انا بعتبر انو الحب خرافة وما في حب صادق في هاي الايام لانو ما في شب صادق في هالايام بس البنت ازا حبت بتحب من قلبها وما بتخون الا ازا لقت هاد الشي من الشب وشكرا على الموضوع المهم وشي كتير حلو وغريب كمان انو شب يطرح موضوع متل هاد عن الشباب

وبشكر اختي العزيزه يارا علي الرد تاعها الجميل والمهم للبنات وبتمني انو كل البنات تتفهم الموضوع هاد

والله صحيح الحب خرافة اكبر خرافة بالعالم مع اني ما جربتو ولا بدي اجربو بس للاسف عندي معلومات عن هلخرافة من ناس قراب جربوها

والحمد لله اني استفدت من تجربتهم ونجوت من الحفرة (حفرة الاكاذيب والخرافات حفرة الحب الكاذب)
وعندي رجاء عبر هلمنتدى من كل الشباب والبنات انو ما يخلو ارتباطهم او تعرفهم على بعض يقتصر في اطار الحب والهبل هاد
في اشي اسمو زميل صديق كاخو كاي شخص عادي بني ادم لازم اتعامل معو لانو اشي طبيعي بما انو احنا مخلوقات عايشين على نفس الكوكب

انا بالنسبه الي ضد كلامكو لانو من الصعب التحكم باالمشاعر والاحاسيس الداخليه بالفعل فهناك الكثيرين ممن يلعبون بمشاعر الأخريين

ولكن الروح هي التي من تحب هي من تتألف مع روح أخرى تعرفت عليها فوجدت عندها الحب والأمان والطمأنينة وكانت اقرب من روحها إليها
لا داعي ان تتلاقى الأجساد والعيون كي نحب
لا داعي ان نكون قريبين من بعضنا البعض كي نحب
فالحدود والمسافات لا تمنع قرب القلوب و الأرواح من بعضها البعض
فالمشاعر والأحاسيس الجميلة تلغي المسافات والحدود
والأبعاد الزمانية والمكانية وتلغي الوجود......

ارجع واكرر اسئلتي

هل أنت ضد هذا النوع من الحب ؟؟
هل تعتبره تسلية وتضيع وقت الفراغ؟؟

وكل واحد حسب قناعتو الشخصيه بحكي ومشكورين علي الجهد الي قمتو في

يسلمووو كتير يا انوس على الموضوع

لانو عنجد كتير منيح

وبستحق النقاش

بس طبعا انا مش رح اعلق ولا رح احكي شي

ليش ما بدك تردي على الموضوع يا احلى اميرة ؟؟؟؟

ولا شي بس هيك

مش مهم الي ردوا بسدوا

يسلمو يا يارا

لكل فتاة رأيها الشخصي بالموضوع
فيا ريت كل فتاه تعطينا رأيها وتشاركنا
وطبعا كل شاب الو تفسير بالموضوع
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

للاسف العلاقات هي اللي عم تحكي عنها سببها قله الدين وقلة الاخلاق

لانه اكيد مافي بنت بتعرف ربنا او ولد بيعرف ربنا بيقبل ع حالو انه يعمل علاقات من هالنوع

ولو البنت انجرفت ورا عواطفها واستسلمت للولد .. ع اساس انه بيحبها ... يبقى تتحمل نتايج تصرفاتها هي

ومع اني بنت لكن انا بهيك موقف بلوم البنت اكتر بكتير من الولد ... لانها هيه المفروض تكون حريصه ع نفسها ,,, وما تصدق كل كلمه حب بتسمعها ,,,

المفروض البنت تكون متل الجوهره ... ما تسمح لحدا يلمسها او حتى يلمس قلبها الا بالحلال ...
يا رب تحمينا يا رب

ومشكور ع الموضوع الجميل و الطرح الجرئ

تحياتى
princessa

انوووس موضوعك من افضل المواضيع الموجودة في المنتدى .

بس انا بدي اعرف مين الي حكالكو انو الشباب بيتباهو بكثرة علاقاتهم

انا وصحابي 10 شباب واكيد الكل بيعرفنا . وكل واحد الو علاقاتو

وما بننكر انو عددهم كبير بس لو حضراتكو الي علقتو ع الموضوع طلاب

جامعات ( مع الاحترام الكو ) كان اكيد اختلف تفكيركو مش لانو طلاب الجامعات

بيفهمو كتير . بس نظام الاختلاط في الجامعات نظام مفتوح جداً وانا سمعت من

بعض شباب بقولو انو حتى عملية التطبيع مع العدو بتم من خلال هل العمليات انو بخلو

مجتمعنا قريب من المجتمعات الغربية وهاد بنسمي في الجامعات ( فري ) يعني حرية

يمكن انا ضد هل الموضوع بس صدقوني انها صارت ظاهرة منتشرة جداً وانتو مضيقين

الموضوع لانو الي بصير ع ارض الحقيقة اكبر بكتير من الكلمات الي كاتبهم اخوي انوس .

ردي طويل تحملوني حاولت اختصر بس الموضوع اكبر من هيك

تحياتي انوس .

مشكووووووووووور أخي
شلبي
هادا رأيك الشخصي والكل بحقلو يعلق ع رأيك
بس انا حابب اترك الرد ع رأيك لغيري يرد عليك
ومشكور كمان مرة على مرورك الرائع

أريد رأيك يا دموووع بالموووضوع

» لماذا اخطاء الشباب طيش ... واخطاء الفتاة جريمه
» لماذا تتبرج الفتاة ثم تغضب من معاكسات الشباب لها؟؟؟
» صف مع الشباب.....!!!
» الشباب على النت
» أغبى الشباب ؟؟