حملة ضد السيارات الغير قانونية ( سلبية ام ايجابية ) ؟؟مهم جداً

بدأت حملة في مدينة بيت فجار يوم السبت الموافق 28-3-2008 ضد السيارات الغير قانونية .

واثارت هذه الحملة ضجة كبيرة في اوساط المواطنين في بيت فجار بين من هو مؤيد ومن هو معارض .

المعارضين للحملة : يقولون ان هذه السيارات هي وسيلة النقل الوحيدة لاماكن العمل حيث تعد بيت فجار بلد صناعية كما يعرف الجميع وانهم من غيرها لا يستطيعون العمل .

المؤيدون للحملة : يقولون ان هذه السيارات ادت الي خسارة كبيرة بين ابناء البلد ويكفي هذا الحد من القتل بسبب هذه السيارات .

أرجو التفاعل مع الموضوع وبيان الايجابيات والسلبيات وهل انتا مع او ضد هذه الحملة

مشكور شلبي اخوي على هل الموضوع الحلو والمثير للنقاش واكيد انو رح يكون نقاش كبير في هاد الموضوع لانو الو مؤيد والو معارض

فانا من المؤيدين والي حاب احكي هو كمصلحه عامه
انو اساس الخراب واساس الضجه في بلدنا هي السيارات الغير قانونيه
لانو الها سلبيات كثيرة جدا وسلبياتها اكتر من الايجابيات
ومنها
دهس اطفال ويموتو تحت سيارات غير قانونيه وتكون نتائجها كبيرة جدا بين العائلات وتدخل الحكومه والمحاكمه والغرامه والاخد بالطيبه العشائريه وخسارة ارواح اطفال وغيرهم

ومن ايجابياتها
توفير امان للطلاب المدارس عند الخروج من المدرسه
توفير الضجيج والراحه العامه لجميع ابناء البلدة

فانا حاب احكيلك يا شلبي انو هاي الحمله رح تكون خير للبلد وعمل ايجابي
وانا بشكر البلديه ومركز الشرطه على دعمهم للحمله

سلااااااااااااااااااااااااااااااااااام
العنكبوووووووووووووووووووووووت

طيب يا عنكبوت انتي وكل واحد مع الحمله

1-اول شي الي بدو يموت بيموت بسياره مشطوبه ولى سياره مرخصه هاد مو انته بتقررو ولى الشرطه

2-خلي الشرطه والبلديه تعطي الناس بديل عن السيارات الي غير قانونيه

3-كيف الناس بدها تقضي احتياجاتها بدون السيارات هاي احنا ما نخلقنا وفي بتمامنا معلاق ذهب

4-بلنسبه لضجه السياره القانونيه بتعمل ضجه يا طيب

5- الطلاب لما يروحو من المدارس بلاش يمشو بنص الشارع عشان ما يتأذو في اشي اسمو رصيف عملتو البلديه

6-اصحاب المحلات مثل المكانيكيه والكهرابائيه والكزيه من وين بيجي الرزق الهم مش من السيارات والمصانع تاعت الحجر الي بأخر البلد كيف الناس توصلهم المقبره علي سبيل كيف بدنا ندفن نروح باكمن سياره مرخصه ندفن الميت وين احترام الميت يا عنكبوت

7-البلديه ما الها علاقه في موضوع الحمله نهائي

واخيرا مش راح تنجح الحمله لانها بتضر الناس اكتر ما بتنفعهم والناس ما بتسكت علي الوضع هاد وشكرا يا شلبي علي الموضوع

والله يا توأم انا حكيت وجهت نظري
وهاد الي طالبة في البلد من زمان من اول ما صار حوادث يوم ادهسوا اطفال وماتو
وقامت كل البلد على البلديه بدها حملة منشان السيارات الغير قانونيه
والبلديه اشتغلت على الموضوع كيف هسا بتحكيلي انو البلديه ما الها دخل

وغير هيك انتا بتحكيلي بدك بديل عن السيارات الغير قانونيه
مش انا الي بعطيك البديل لانو انا مش مسؤول ولا اشي انا مواطن عادي متلي متلك
انتا بدك بديل روح على القيادة زي البلديه وزي الموسسات هي بتقدر تعطيك بديل

وكمان انا مش ضدمصالح البلد لا بالعكس بس احنا عيب نكون بوجهين
اول وجه انو يوم يصير مصيبه من ورا السيارات المشطوبه بدنا نصير نحرقهن ونحل المسؤوليه للبلديه
ويوم يقومو في الحمله احنا نصير ضدها

لأ لازم يكون في قرار والجميع يكون معو
ومشكورين يعطيكو الف عافيه

حلو النقاش كتير

بس لحد هسا ما اتفقنا ع انو هل هاي الحملات كويسة للبلد ولا العكس

هي اكيد الها سلبيات وايجابيات بس مين الاكتر ؟؟؟؟؟؟؟

اسمع ياطيب انا ما حكيتلك انته اعطيني بديل عن السيارات الي غير قانونيه بس المسؤلين يعطو الناس بديل انا بلنسبه الي مع الحمله لانو ما بنضر منها متل غيري .......

وانا حكيتلك قبل المره هاي السياره القانونيه بتدهس متلها متل الغير قانونيه

وانا بحكيلك انو مو لازم اي شب طايش يطلع يقود سياره هيك ما بيصير مصايب في البلد

بس المتضريرن الناس الغلابه ويا ريت الناس كلها تقف جنب هاي الفئة

واحد باع سيارتو المشطوبه

البلد من دون سيارات مشطوبه ما بتمشي

والسيارات المشطوبه هي الي بتمشي الصناع في البلد
وطبعا السيارات المشطوبه الها سلبيات وايجابيات
بس الايجابيات اكتر
شكرا الك شلبي

مثل ما ذكرت يا شلبي في ايجابيات وفي سلبيات

ولكن وضع بيت فجار يختلف عن جميع المناطق

لان بيت فجار منطقة صناعية وترتكز على السيارات

سواء كانت مشطوبة او قانونية وستم بعون الله

حل الموضوع والمشكلة باتفاق ما بين اهالي البلدة

ومديرية الشرطة في بيت لحم

مشكور عادل ع المرور اللطيف وبعتقد انو في من حكيك

ابو ليث بدنا كلنا نعرف شو هل الاتفاق وهل الحملة ستستمر ام انها ستتوقف ؟؟

الحمله هاي كمان ما بتشمل السيارات كمان الها مع تاعين المخدرات

وتاعين الشيكات الراجعه وبتضم كل شي

بس اهم شي انها ما توصل عندي ومشكورين

المفروض يكون هناك بديل للسيارات
وان لم يستطيعوا وجود بديل ان يضعوا استثناءات
وقوانين تضمن سلامة الجميع

كلام ميه الميه يا طائر بس بدك ناس تفهم

ما الي تعليق هلء

سم الله الرحمن الرحيم

مشكورررررررررررررررررررررررر

اخي شلبي على طرحك للموضوع

انا مع وضد حملة السيارات المشطوبة

اول شي مع الحملة
لانو اطفال كتير اندعسو من قبل السيارات المشطوبة وصار مذابح في البلد بسبب هذا الاشي يعني بالعقل له الناس معترضه على نزع السيارات المشطوبة من البلد

ثاني اشي ضد الحملة

لان السيارات المشطوبه هي حيات الناس في البلد زي ما بتعرفو بلدنا بلد صناعية يعني الواحد بدو يروح بسيارته المرخصة على المنشار ويتعجب عليها لا ما بقدر يعجب على السيارة ولي يوم الجمعة بدو يروح يطش على الكروم .

الحلول

1 بدل سحب السيارات المشطوبة مخالفة كل واحد بسوق بسيارة ما معو رخصة
2 السماح للناس فقط يوم الجمعة بممارسة حياتهم الترفيهية
3 او اذا لزم الامر وضلت هذه الحملة ساريى في البلد ان تقوم البلدية ومؤسسات البلد بشكل عام بتوفير باص للعمال يقوم بنقلهم مقابل اجر معين

4 عدم سياقة السيارة وقت ترويحة طلاب المدارس

واخر شي انا مع الحملة ضد السيارت المشطوبة هذا الراي تاعي

لانو الهدواء عم في هذه البلد كتير والحياة صارت احسن بكتير دون السيارت المشطوبة

ههههههههههههههههههههههههههه
ضحكتني كتير بس مشكور علي رئيك ما بدي ارد عليك لاش ردي يزعلك كتير

انا طبعا ضد الحملة

لانو مش كل الحوادث من السيارات المشطوبة

وبعدين زي ما ذكرتو السيارات عنا وسيلة نقل في البلده

يعني بس بروحو ع المناشير وبشتغلو وبروحو

والكل يعني الو مصالح في داخل البلد مش ع خط 60

ومشكور على طرح الموضوع

اخوي ابو فلسطين الي بتحكي في صعب كتير

ابو دراين كل الاحترام لرائيك

مشكور أخ شلبي على الموضوع
1)الراي الأمثل أنو السيارة الغير قانونية تخضع لإختبارت من الشرطة لمعرفة مدى صلاحية السيارة ولا لا
لإنوا في سيارات ما بتنفع تشتغل في البلد لا فيها غمازات ولا إبريكات ولا أضواء والدخنة اللي بطلعن منها ؟؟؟؟؟؟؟؟؟؟
2) أنو يكون يلي بسوق في هالسيارت الغير قانونية يكون معو رخصة مو ولد ما بجي شلن بيجي طالع فيهن (الحق عالأهل)

وجهة نظري
رافقتكم السلامة
نبراس الحياة

مشكور نبراس الحياة ع هل الراي

بس هل يا ترى بنقدر نطبق الي بتحكي في ؟؟؟؟؟

انشاء الله بيطبق هالقانون
لأن المصلحة العامه فوق المصلحة الخاصة
وبدنا تفاعل من الجميع؟؟؟؟؟؟؟؟؟؟؟؟؟؟؟

انشاء الله بيطبق علي الجميع واول ناس احنا التوام

بس ما اعتقد انو راح ينجح القانون في البلد هاي

هاد رائيي

انا معكو يا توأم

وانا مع الراي الي بيحكي انو كون هناك قانون داخلي يطبق داخل البلدة ويكون باتفاق كل اطراف البلد

لانو البلد ما بتقدر يستغني عن السيارات هاي

لانو ما بعتقد انو الي عندو سيارة 2009 يروح فيها على المحجرة
اكيد راح يرووح بالمشطوبة

وانشاء الله ربنا يجيب الي فيه الخير

تحياتي
المراقب العام

حلو فلنتينو هل اقتراح مش شرط يجيب 2009

يعني لو 2005 جاب كويسة يروح فيها ع المحجرة

لانو الي عندو سيارة 2009 اكيد بيقدر يجيب سيارة تانية مرخصة للشغل

ولا شو رائيكو

أنا ضد الحملة لأنها حملة فاشلة
لان السيارات الغير قانونية هي حياة الناس في البلد زى ما بتعر فو أنها بلدنا بلد صناعية يعني الواحد ما بقدر يروح فيه المطر والبرق على المنشار الا في سيارات غير قانونية وناس في الوقت هذا ما هي ملحقه على متطلبات البيت يعني بده يزيد هم عليه إذا بدا يجيب سيارة قانونية
المفروض يكون هناك بديل للسيارات
وان لم يستطيعوا وجود بديل إن يضعوا استثناءات
وقوانين تضمن سلامة الجميع

زهور عمري ممممممممم

يا جماعة الناس بلشو يتضايقو كتير من هل الموضوع شو رائيكووو ؟؟

شو في حلول لانو جد فقعنا ..

» طاووس أبيض :: نادر جداً جداً
» عبارات مؤلمة جداً جداً
» خصمنا القادم في الدوري يتعادل مع تشلسي على ارضه بنتيجه سلبية...
» الاستضافة الغير محدودة وحصريا تقبل كاش يو وفيزا والحوالات
» الان وحصريا الاستضافة الذهبية بخصائصها الغير محدودة من كيوبالي العالمية