ماذا لو بادرت حواء الى قول ( احبك ) .....

احبك ... أعيب ان اقولها بلا خجل ؟
أحرام ان افقد صبري واسبقك اليها ؟
احبك
اجل احبك ولن اتردد في قولها
فهل كتب في قاموس العشاق ان تحترق الكلمة على شفاه المرأة
وهي تنتظر الحبيب ليبادر بها ؟
أم انها بدأت تحاول كسر هذه القاعدة ؟
أفي الدنيا احلى من اعتراف كهذا
اعتراف هامس وكلمات مباشرة وصريحة
اي من الرجال لايطربه صوت امرأة يحبها وهي تغني حبها على طريقتها
وهي تعترف بمشاعرها بطريقة لم تألفها من قبل نساء الشرق ؟
هل نزيح الستار عن حبنا لرجل لم يسعفه لسانه بقول مانتوق لسماعه ؟
هل نستعجله وندفعه الى ادراك حبنا
ونحن اللاتي اعتدنا على سماع كلمات الحب من حضرة الرجل ؟
أم نكتم الكلمة في حنجرتنا ونترقبها من لسانه
حتى لايتهمنا بما لاينسجم مع قدسية الاعتراف ؟

بعض الرجال يحترم هذه الاراء والبعض الاخر ينفر منها

سؤال لحواء
هل انتي مع مبادرة المرأة في لفظ هذه الكلمة وتحمل نتائجها مهما كانت ؟

سؤال لادم
هل تستهتر بمشاعر امرأة لم تتحكم في حبها ففاض الاعتراف من شفتيها

دموووووووع تسلملي عهطرح وانا ضد انو البنت تحكي بحبك اشب لانو الشباب ما بستاهلو تحكيلهم بحبك بحسوكي راميه حالك عليهم وهاد اشي مو منيح الها وبعدين الب بضل مغرور عليها لشو تضل بكرمتها احسن تحياتي الك

وانا معك هدولة بالي حكيتيه
لانو هيك المجتمع بدو
لازم تضل الكلمة جواتنا تخنقنا احسن ما نطلعها وتضيع كرامتنا

مشكورة على تواجدك

اها بشوف حوا لحالها سالت ةجاوبت وقررت

عادي تعترف حوا بحبها وين المشكلة

بتصور المفروض الرجل يقدرها ويحترم مشاعرهاا سواء كا يبادلها او لا

الاهم احترام هذا الاعتراف وصاحبة

قصة رامية حالها والله تفكير عقيم جماعة

مشكورة دموع ع الاسلوب الجميل في طرح الموضوع

دمتي بود

مشكور كتير فوضى على مرورك
وفرحت كتير انو طريقة تفكيرك هيك
بس للاسف مش الكل بيفكر متلك
يا ريت لو كل الناس بتفكر هيك

عادي تعترف حوا بحبها وين المشكلة

بتصور المفروض الرجل يقدرها ويحترم مشاعرها

الاهم احترام هذا الاعتراف وصاحبة

قصة رامية حالها والله انا مش معاكن

مشكورة دموع ع الاسلوب الجميل في طرح الموضوع

دمتي بود

madam 7ob schref ma feha ey schhe

ma3 eno ma fe 7ob be halayaam

ابو ليث
راية

مشكورين كتير على التواجد

سؤال لحواء
هل انتي مع مبادرة المرأة في لفظ هذه الكلمة وتحمل نتائجها مهما كانت ؟
انا مش مع كلامك لانو ما في بنت جريئه تنطق الكلمه هاي
سؤال لادم
هل تستهتر بمشاعر امرأة لم تتحكم في حبها ففاض الاعتراف من شفتيها

كل وحده ذنبها علي جنبها وتتحمل المسؤليه لحالها يمكن الشب ما بيحبها وتندم انها حكت الكلمه

حكيك منطقي كتير

مشكور على المرور

سؤال لادم
هل تستهتر بمشاعر امرأة لم تتحكم في حبها ففاض الاعتراف من شفتيها ??

انا بحكي انو البنت زي مهو الشب عندو اشياء جواتو البنت كمان عندها نفس الشعوور

وانا بدي احكي انو البنت يوم تطلع الاحساس من جواتها وتعترف في للشب فهاااد شي بعتبرو تعبير صريح وتعبير عن حب حقيقي فالبنت من الناحية هاي بيطلعلها تعترف للشب زكماان الشب لازم يقدر هاااد الاعتراف بصورة حسنة وما يوخدو بصورة سيئة

والي بيستهتر بالاعتراف هاد من البنت بكوووووون الله واعلم ايش نيتو وبكون تفكيرو حيواني ........

هااااد رايي بكل صراحة

مشكوورة دموووووع
دمتي بود

المراقب العام

انا مش معك في كلامك هاد يمكن البنت تعترف في حبها لشب ويضحك عليها ويوصل للي بدو ياي ويسيبها شو رئيك هيك

مشكور على مرورك ورأيك فلنتينو
وتوأم كمان مشكور كتير
بس بحب احكيلك يا توأم انو مستحيل البنت تصرح بمشاعرها للشب قبل ما تكون متأكدة انو بحبها

يعني مثلا بنت بتحب شب يمكن تضل مدة طويلة ما تحكيلو الا تضل تستنى للحظة المناسبة واكيد سهل تعرف ازا في بحياة الشب حد تاني وسهل تعرف هي شو بتعنيلو وبعدها بتحكيلو
وبعدين الشب لما بدو يوصل للي بدو اياه ما بيستنى بنت تيجي تحبو هو بيقنع مليون بنت انو بحبها وبيعمل الي بدو اياه

وانا مريت بهلتجربة والحمد لله ما صار معي متل ما بتحكو

انا برئيي انو ما في فرق بالحب

وانو البنت متل الشب يعني الي جواتها لازم تطلعو

لانو هي كمان بتحس ويمكن اذا ما حكيت الي بتحبو يروح لحد تاني

يعني هي رح تكون خسرانة يعني ما في مشكلة لو هي حكت

واذا الشب الي حكتلو بفهم لازم يحافض عليها قد ما يقدر

لانو من كتر حبها الو ما قدرت وحكتلو

ومشكوة على الطرح

حبيبتي اميرة شكرا كتير على طرح رأيك الحلو

انا برئيي انو ما في فرق بالحب

وانو البنت متل الشب يعني الي جواتها لازم تطلعو
صحيح انا معك يا اميرة

انا حاسس انو انتو هيك مصورين الشباب وحوش وما في الهم شغل
في هل الدنيا الا يضحكو على البنات وحياتكو محنا فاضيين نحك روسنا
عشان نقد نتهبل ونراهق من اول وجديد . انا بقول انو تفكير الافلام المصري
الي ماسكينو دشرو والناس تطورو كتير وبعتقد انو كل البنات صارو يفهمو هل

النقطة وصعب اي شب يضحك عليهم ... ولا شو رائيكو يا اخواتنا الاناث ؟؟

تقبلي مروري

مشكورة دموووع موضوع حلو كتير وطرحو حلو كمان

وانا حاب احكي انو ما في فرق في الحب بين الطرفين مين يحكي لتاني انا بحبك
وبايد برضو اميرة المنتدى وشلبي
لانو ازا في شخصين حبو بعض ما بعايرو بعض مين حكا لتاني انا بحبك

بس في ناس في عندهم ضعف في الحب متلا زي الي بحكو ازا البنت حكت للشب انا بحبك انو بكبر عليها ومن هل الكلام الفاضي ولا مرة شب يحب بنت وبرضو العكس انو البنت تحب الشب
وازا واحد يحكي لتاني بحبك يكبر عليها وما يرد عليها رد حلوومعبرعن شعورو انها البنت ريحتو وصارحتو

مشكورين

برافو شلبي والعنكبوت وهيك متفقين تماام

ولو الكل يحكي هيك Wink

وحوش

شكلو المسلسلات التركيه مأثره عليكو كتير يعني لدرجه انو اي انسان بيهو بنت يصارحها بمشاعرو بس انا بدي اقول صح في ناس كتير اتزوجو عن طريق حب بس يا هل تري اتفقو في حياتهم الزوجيه وهل متل ما بيحكو كلشي نصيب بلدنيا او انو لازم نحب قبل الزواج
انتي يا اميره بتحكي شي مش منطقي لانو في الزمن هاد البنت ما بتطلع الي لمصريات الزلمه مو لحبها متل ما بتحكي او ازا متعلم يعني وين راح الحب في النهايه

توأم انت شكلك مار بتجربة مخلييتك تكره شي اسمو حب

بس الانسان مش لازن يحكم على الشي من تجربتو هو

يتطلع لتجارب الناس التانيين

في كل شي في صح وفي غلط
بالحب في حب حقيقي وفي خيانة
وفي البنات في المنيحة وفي الكزابة
وبالشباب برضو

ما بيسير نحكم انو ما في حب و كلشي خيانة

بتمنى انو تلاقي حب حقيقي يخليك تغير كل افكارك المتشائمة عن الحب

لانو الحب احلى شي بالحياة لما يكون مزبوط طبعا

يسلموو ع الموضوع الحلووو
بس انا برأي ان البنت ازا حكت لشب بحبك وهو طلع ما بحبها

راح يطلع عليها الف اشاعة وانو راميه حالها عليه

فهووو بكون احسن تلزم الصمت وتسيطر ع مشاعرها وتحفظ كرامتها الا ازا كانت واثقة من حبوو الها وما قدرت تصبر
انا بحكي هالحكي لانو في بنت من معارفي ومرة في التجربة وهاد الي صار يعني من دون ما يحكيلها انا ما بحبك والله يسهلك اقعد يحكي راميه حالها وما بعرف شوو
عنجد الحب مو في الزمن ده
اما انا بنسبة الي نحمدلله ما في حدا في حياتي
صح الحب حاجة حلووة كتير بس في وقتها بيكون احلا
في ناس تزوجو ع الحب وما تفقوو في حياتهم

وفي ناس تزوجوو من دووون حب وسعيدين كتير
وبعتبر انو الشباب في منهم الي كويسين وفي منهم الي الله اعلم..

وهاد رأي وكل واحد الوو رأيوو
بس بجد موضوووع حلووو وكان لازم يتناقش
مودتي ومحبتي لك

Angel