موضوع مسخرهـ ولكن ليس للسخريهـ .. للجديين فقط .!

هلا ابو غياظه

ان شاء الله كلو بنحل بالخير والسلم

تحياتي

وانا بشكروكو كتيييير
وصحيح امبارح انا شفت ابو غياظة وحكينا بالموضوع
وحكيتلو انو اصلا لو ما في عنصرية كان ما نزل الموضوع
وانو احنا نزلنااه عشااان نواجه العنصرية الموجودة مش لانو بدنا نثبت او ما نثبت وجود العنصرية
بعتقد لهوون لازم نحط الحلول المناسبة للحد من المشكلة هاااي
وانشاء الله ربنا بقدرنا احنا الشباااب انو نمحي هاي العنصرية من جوات فلوب النااس
ويرجعو اخوة واحباااب ,, لانو الناس كلها قرايب ومن كل العائلات
يعني اذا هاد من عيلة الديرية وهاد من الطقاطقة يمكن هاد خالي وهاد عمي او قريب ايل
يعني العنصرية قاتلة بكل معناها وحذافيرها ....

وانا هسه بدي ابدا بوضع حلول ونتناقش فيها والاعضااء كمان يا ريت يحطو حلول بشوفوها مناسبة للحد من المشكلة هاااي ..

طبعا بنظري واول شي ابعاد العائلات عن الموسسات سوااء الحكومية او الاهلية
ما يعني انو نبعد اي واحد من العائلات بل بقصد انو ما يكون تقسيم الموسسات على اساس عائلي
يعني تكون هاي المؤسسات بيمسكها اصحاب الخبرة والعلم ومن اي عائلة انشاااء الله بكونو كلهم من عائلة واحد بس يكونو على قدر المسؤلية ويكونو قادرين على رفع مستوى الموسسات من منظووور ناااس متعلمين مثقفين
لانو الايااااااااام هااااي بس الي بيدخل الموسسات ناس ما الهم ولا بيعرفوو شي عن الموسسات

بتمنى انو الحل هااد يتناقش من الاعضاااااء ويكون النقاااش جدي ومتميز ؟؟؟

تحياتي
المشرف العام

اوك انا موافقك يا فلنتينووو بلشووووو من عندكو في تطبيق الكلام ونمحي العنصريه

اول اشي اطلع له الهلال الاحمر يعني اكبر مثال اطلع له المنتدى اكبر مثال كمان مشكوره كلامي واضح

مسا الخير

كلام سليم اخ فلتينو ويسلم لسانك

بدنا نبحث بأكثر شفافية اعتراض الاخ رامي يا ريت

اما الاخت اميرة المنتدى هاد الموضوع مكتوب عليه للجديين فقط لانو مهم كثير ويا اختي وحدة بمكانتك مشرفة ما لازم تدخل موضوع متل هاد وتحط شكل وجه او اي رمز اخر بدون تعليق

انتي اكبر من هيك وبتهمك بلدك ومنتداكي والروابط الاجتماعية ببيتنا الفجاري العريق

دمتم بود

الامر ليس شخصي اختاه

سلم لسانك إخي ابـو غياظـهـ

قلت ما أريد قولــهـ حقآ

تحياتي

دمتم بـــود

بدنا اناقش تنشوف اخرتها

يا سيدي بلكي اجا من هان حل
فالنتينو انتا قلتـ....

طبعا بنظري واول شي ابعاد العائلات عن الموسسات سوااء الحكومية او الاهلية
ما يعني انو نبعد اي واحد من العائلات بل بقصد انو ما يكون تقسيم الموسسات على اساس عائلي
يعني تكون هاي المؤسسات بيمسكها اصحاب الخبرة والعلم ومن اي عائلة انشاااء الله بكونو كلهم من عائلة واحد

طيب ممكن تقلي على اي اساس حاليا بسلمو المناصب...وكيف بسلمو المناصب للي هم فيها الحين.....؟؟

بعد الجواب بناقش ان شا الله ...

أنا بجاوبك عن إخي فلنتينو ..

حاليآ وفي السنـهـ السابقة والتي سبقتهــا

سلمت المناصب .. على حســاب عائلي وآساس متحيز للعائلات

ولــكـن طرح الفكرهـ جاء لنسعى معآ لأيجاد حل لتلك المشكلـهـ ..!

يا ترى عندك حل إلهــا فوضى ؟

بتمنى يكون عندك ..

عشان بـ 2010 نكون مرتاحين .؟!

طيب لو نزلت انا الإنتخابات ع أساس إنتماء لعائلتي وتحيزي العنصري لألها بتعطوني أصواتكم ..؟

ولـو نزلت ع إساس خدمة أبناء بلدي ومصلحة البلدهـ وخدمتهـا أولآ .. بتعطوني أصواتكم ..؟

شو جوآآبكــ/ـــم

هادا بالأحلام فقط ؟؟ لأنو مش مسموح إلي أنزل .. ولو كان مسموح مش حنزل برضـهـ..!

تحياتي لــكــ/ــم

اوك بس انا ليش ما حد جاوبني على سوالي يا اوس وين فلنتينو او سحب او ادمن عاوز جواب

تحياتي لكل الاعضاااء

أأأخ رامي تحياتي الك ..
احنا بالبلد مش مسؤولين عن جمعيه الهلال الاحمر الفلسطيني
احنا تابعين لدائرة الشباب والمتطوعين التابعه الها ..يعني مش مؤسسة احنا عبارة عن مجموعه متطوعين فقط .. ومن كل العائلات ... وببايعك اذا بيوم انحكا داخل هاااي الدائرة بشي اسمو عائلات ... وبعدين هاااي الدائرة الي بنشتغل فيها هسه واقفه الها يمكن 6 شهوور وانت بتقدر تحكم لانو ما في نشاطات وبعدين لو تراجع الهيئة الادارة بتعرف انو ما بننظر لمنظور عائلي
وبعدين الشباااب الي داخل الدائرة كلهم شباااب معهم خبراات في مجال التطووع وصاار النا تقريبا 8 سنووات متطوعين في الدائرة وبدوون مقابل لانو اسمها دائرة متطووعين يعني مو مؤسسة
ودقق مش مؤسسة ......

أأأخ فوضى الله يمسيك بالخير ....
الموضوع الي بتحكي فيه بااين واصغر طفل ببيت فجاار بيعرفو .... كان تسليم المناصب في بيت فجااار على اساس عاءلي واكبر مثال البلدية والنادي وغيرو وعارفين وانت عارف يعني الخبراات ما شاء الله عنها الي بالبلدية وغيرهاا ... يعني يا ااخ فوضى بنشووف في اي انتخابات بتيجي بدها تنعمل في البلد في اي مؤسسة بحاولو انهم يقسمو الشي بينهم يعني للعيلة لفلانية مقاعد محددة وللتانية هيك وهيك ةالتالته هيك وهيك وما بينظرو للخبراات نهائيا ولو في ناااس عندهم خبراات ..... وبعدين يحكو في الانتخابات وبيطلع كلشي جااهز ....

ويا ريت يا اعضاااء كمااان تحطو حلووووووول من عندكو بتشوفو انها لازم تكون موجودة

تحياتي

يمسيكو بانور التبي

اوس فالنتينو

المناصب في البلد صارت وتسلموها عن طريق الانتخابات ...والكل شاف وصوت وشارك فيها

والبلد صارت عرس صح ولا

سواء بلدية او نادي.....

وبالنسبة الك اكيد اكيد مش رح انتخبك

فالنتينو الجملة هاي ما حبيتها بس منك بنعديها

الموضوع الي بتحكي فيه بااين واصغر طفل ببيت فجاار بيعرفو

لا يا فوضى صحيح كان في انتخااباات بس ما كانت ولا مرة نزيهة
لانو كل عائلة كانت بتبحث عن مصلحتها وتبحث انو تنجح مرشحيها
يعني لو كانت الانتخابات حرة وما اتدخلت العائلات كان يا فوضى ما شفنا المشاكل الاياام هااااي
؟؟؟
فوضى ليش تعتب المشكلة هاااااااي الكل بيعرف فيها ليش تنخبيها
بس انا ما قصدت شي منها بس بقصد انو الشغلة واضحة وما بدها اتنين يحكو فيها

تحياتي الك فوضى

لا تعليق ما بدي افوت متل هيك مشكال

تقبلووووووووووو مرورنا

ما بدك تفوت لليش ترد طيب

؟؟؟

اول شي يسلمووو يا اوس على الموضوع

والله يعطيكو العافية يا اعضاء على مناقشة الموضوع

انا حاب احكي انو قصة العنصرية في هذا البلد قصة عويصة كتير لانو الي بحكي انا مو عنصري بكذب على حالو مش علينا لانو الانتخابات ما الها زمان وكمان هي الانتخابات جاية ومنشوف مين حكي صح .
وما نظل نحكي على الفاضي لانو العنصرية في قلب كل فجاري وما في حد في بيت فجار ما عندو عنصرية بدي اعطيكو مثال صغير في انتخابات المجلس الشبابي وهم الي نزلين للانتخابات شباب شوف شو صار صار عنصرية كتير و ادخلو ناس فيها كتير من البلد .
وانا واحد من الناس والجميع بعرف انو ما مشيت في العنصرية في انتخابات المجلس, ونزلت قوائم كتير فيها اول اشي 13 عضو طقطقي و نزلت كمان قائمة فيها 13 عضو ديري ونزلت قائمة فيها 13 عضو من الثوابته وقعدين بتحكو بدكو تبعدو هل العنصرية من البلد .
بس ما تفكروا اني عنصري انا بحكي لا لا لا لا لا لا للعنصرية

هسة انتو ما بدكو عنصرية في البلد طيب خلينى انبلش في وضع حلول لهذه القضية :
اولاُ اذا بدكو تمشو في هذا القضية صح بدكو انتو يا اعضاء تقيمو اشي اسمو طقاطقة وثوابته وديرية ولاجين من الدماغ تبعكو وهذا الحكي بدو وقت
ثانياُ هذا الحكي للناس الواعية بدكو تصير اتسوى نشرات مكتوب عليها لا لا لا للعنصرية وتتوزع في البلد اذا انتو مخذين القصة جد ولازم تفضو على الاخير للقضية العويصة هذا
ثالثاُ وبلاش في كل رد او موضوع اوي اشي كتابة اسم العائلة بعد اسمك .
رابعاً القيام بندوات بعنوان لا لا لا لا للعنصرية ودعوة كبار البلد عليها أولاُ قبل الشباب ويجب ان يكون القاء مع دكتور بفهم في الاشي هذا مش اي انسان وخاصة ما يكون من البلد .

هسة هذا الحكي اولي اذا اخذتو الاشي جد جد مش مسخرة وهبل .

وفي الاخر لا لا للعنصرية يا بيت فجار

اخوكم
مهند البوليس

ان شاء الله بصير هيك يا مهند

الله يستر البلد يا رب

يا سبحان الله الي توقعتو صار ونحذف الرد هع

مرررررررررحبا
والله أنـــا أكتــــر اشــي بالدنيــا العنصــــرية
وبتمنــــــى أنــو مايضـــل اشـــي اسمـــو عنصـــرية
وكتيـــر بزعـــل يــوم يــصيــر مشــاكل بيــن العائلاتــ
وبـــــدايــق وأكيــد انـــــتو كمــــــان

تقبـــــل مروري
وشكـــــــــرا على الموضــوع المميــز والطــرح الرائــع

» شوف انا بنت ولكن!؟!
» أحببته ولكن....
» عيش باحساس... ولكن
» ليــس كل من..ولكن .!!
» صغيرة ولكن خطيرة!!