أنت كشاب وانتي كفتاه ماهي اجابتكم

بسم الله الرحمن الرحيم

الأعضاء الكرام تحيه طيبه وبعد:

احبتت إن اطرح عليكم موضوع يقع به كل شخص

حيث إن كل شخص منا لديه قلب ولديه مشاعر

وكل منا بنظر إلى ما حوله ويتابع كل خطوة وحركه

ولا بد إن يكون لكل إنسان ميوله

ولا بد إن يقع الإنسان بالإعجاب والحب من شخصا أخر
المقصود الحب العاطفي

ويحاول كل شخص إن يعبر عن هذا الإعجاب بعدت طرق

البعض يعبر عنه تعبيرا مباشرا وجها لوجه

البعض يعبر عن بطريقه غير مباشر أي عن طريق واسطة من حدا لحد

البعض يعبر عنه بكلمات وتصرفات تدل وتعبر عن الإعجاب

والبعض يبقيه سرا في قلبه

أنت كشاب أيهما تفضل من بين الطرق السابقة الذكر ؟؟؟ ولماذا؟؟

أنتي كفتاه أيهما تفضلي من الطرق السابقة ؟؟ ولماذا ؟؟ وما هي رد فعلك للأمر؟؟

::::::::::::::::::::::::::::::::::::::::::::::::::::::::::::::::::::::::::::::::::::::::

عندما يبقى الحب سرا وعندما تعبر عنه بكل الطرق ما عدا الطرق المباشرة

ولا تستطيع إيصال مدى إعجابك وحبك لهذا الشخص

وتفاجئ انك تسمع انه هناك من يتقدمه للخطوبة

وتجد إن الشخص المتقدم لا عيبا عليه

و أنت في داخلك نارا وبراكين تتفجر

فتقف مصدوما لا تستطيع تحريك ساكن تفكر وتفكر ولكن بدون جدوى

كل ما تحتاجه هو بعضا من الوقت لكي تكون مستعدا إما اهلك وإما أهلها لكي تتقدم
ولا يكون عليك أي نوعا من الغبار

فقط بعضا من الوقت

أنت كشاب إذا وقعت في مثل هذا الموقف فماذا تفعل؟

هل تخرج عن صمتك؟

هل تبقى صامتا وتخرج من الموضوع بدون ضوضاء؟

ماذا تفعل .......

أنتي كفتاه أنتي المقصودة في الأمر أنتي لا تحبين الشخص المتقدم

وجدتي إن هناك شخصا يحبكي ومستعدا لفعل أي شيء

هل تتراجعين عن الخطوبة او تستمري بتا

ما هو موقفكي

انتم أيها الشبان انتن أيتها الشبات ماذا تفعلون في كلا الحاليتين

باب النقاش مفتوح

وباب الصراحة مطلوب

فأطلق العنان لقلبك وعقلك للتعبير

تقبلو فائق احترامي وتقديري

قرأت موضوعك واسئلتك اكتر من مرة

وطبعا انا عارفة انت مين بتقصد

ومين ابطال هالقصة

عشان هيك حابة احكي عن الشخصيات اللي انت بتحكي عنها

بعرف الشب وبعرف البنت

الشب ما شاء الله عليه وما عليه اي كلام

والبنت برضو اكيد ما رح يكون عندها اعتراض على هالشب

بس البنت يمكن يكون عندها مشكلة مع اهلها

بتخليها تضطر لهالقصة

وصارت كتير انو الاهل كانو السبب

وانا بحكيلك لو هالشب تجرأ وحكى للبنت

ولو كانت هي بتبادلو المشاعر ,,,, ما بعرف كيف الوضع بالزبط

بس سدقني انو ما رح تزبط لظروف

بس اعرفها بحكيلك اياها

اسفة كتير انو طلعت عن الموضوع شوي

بس حبيت احكي الشي الي بعرفو

وبالنسبة لسؤالك وعن رأيي انا يا ابن عمتي

لازم الشب يتأكد اول شي من ظروف البنت

قبل ما يحاول يوقف بطريقها

بلاش يجني على الطرفين

ومشكور على الموضوع

موضوع جميل ويحاكي الواقع ويبرز العديد من القضايا الاجتماعية والمطبات اليومية التي يتعرض لها الشبان

لا اريد الاطاله

شكرا لك ابو عماااار على الموضوع الاكثر من رائع

برأيي ( لو احببت فتاه سأذهب اليها واصارحها ......)

اما اذا كان مجرد اعجاب(فأبقي الامر في سري او ارسل لها احدا ليخبرها بإعجابي بها او اذا كنت قوي القلب فأقول لها اني معجب بها...)

وإذا كنت انوي اللعب بها او او التسلي بها فانا اقول لنفسي( إحترم حالك _لك عين وللناس اعين)

**** قلـــبي معــــك****

////////////////////////////////////////////////////////////////////////////

الشق الثاني من الموضوع

*

اذا صارحت من احب بحبي فخانني وارتبط بغيري فيكفيني انه لا يتق ثقتي

*

واذ الم اصارحه وكان اعجابا فقط فالخطأ خطأي وانا الذي لم اصارح مناحب بحبي فهو لا يعلم بحبي له

*

واذا كان يعلم الطرف الاخر بحبي واعجابي به ولاكنني لا استطيع مصارحته لاسباب كثيرة منها من حولنا واخلاقي التي لا تسمح لي بالحديث مع بنت في مكان عام لعدم اثارة الشبهات حولها والبلبلة لها وكانت متأكدة من حبي لها فماذا افعل؟؟؟؟

واذا وقعت في نفس المشكلة المطروحة في الموضوع السابق فإنني اصارحها بحبي لانها سترطبط بغيري وما عاد للسر كتمان واعلنه على الملأ....

*تــحيـــــاتي للجـميـــــع*

هلا دمووع

بخصوص ردك برغم من فهمكي للموضوع ولبطال القصه الا ان هناك لبسا في ردك

حيث انه يحتاج الي بعض التحليل ويا حبذا لو انكي لم تجعلي من ردكي ناقصا وفيه بعضا من الالغاز

انا اتفهم نظرتكي للموضوع ولكن الموضوع ليس موضوع شراء منديل او بنطال او سياره

الموضوع هو مووضوع تقرير مصير وحياه مستقبليه

وفي هذه المواضيع لا يجب ان يؤثر على الانسان اي تأثير خارجي

سواء من الاهل او الاقرباء او الاصدقاء لانهم ينظرون الى الموضوع من وجهة نظر قد بنوها في مخيلتهم دون النظر الى الطرف الرئيسي في الموضوع حيث ان من حقه ان يفكرر

ويقرر بعيد ان اي تشويش ووضع جميع العوامل الاخرى جانبا .....الجانب الاجتماعي ...الجانب المادي .... الخ من العوامل المؤثره

والجلوس في مكان خالي من الاشخاص وطرح كل المعطيات السلبيه والايجابيه

(((((ولو كانت هي بتبادلو المشاعر ,,,, ما بعرف كيف الوضع بالزبط

بس سدقني انو ما رح تزبط لظروف)))))

هنا يكمن لب الموضوع هل تبادله المشاعر هنا هي الاحجيه
فأذا بادلته المشاعر ومشاعر صادقه يستطيعان ان يقاوما المستحيل
ولا نستطيع ان نعول على الامور دون الخوض فيها

((((((((((وبالنسبة لسؤالك وعن رأيي انا يا ابن عمتي

لازم الشب يتأكد اول شي من ظروف البنت

قبل ما يحاول يوقف بطريقها

بلاش يجني على الطرفين))))))))

مزبوط انو لازم يتأكد بس شو هي الظروف والعوامل التي راح تمنع البنت

وبعدين هو ما وقف بطريقها هو عم بحاول انو يوضح امور لحالو الي يقرر شو راح يسوي

وبعدين شو الجنايه الي راح تقع واكثر من هيك مصيبه للشب شو بدو مصايب

يسلمو دمووع على ردك واتمنى ان يكون رأيكي مفيدا للجميع
وان لا يكون عقبه في الطريق

والي اهم من هيك (( القسمه والنصيب ))) بس لا يمنع ذلك من المحاوله والتضحيه من اجل هدف

::::::::::::::::::::::::::::::::::::::::::::::::::::

أبو غياظه هلا بيك

ويسلمو على ردك وحسابنا بعدين

بخصوص ردك رد مفعم بالحيويه

الشق الاول هو لكل انسان رأيو وانا من بعد تجربه بأيد رأيك للموضوع

بخصوص الشق الثاني:

((((((((((واذا كان يعلم الطرف الاخر بحبي واعجابي به ولاكنني لا استطيع مصارحته لاسباب كثيرة منها من حولنا واخلاقي التي لا تسمح لي بالحديث مع بنت في مكان عام لعدم اثارة الشبهات حولها والبلبلة لها وكانت متأكدة من حبي لها فماذا افعل؟؟؟؟

واذا وقعت في نفس المشكلة المطروحة في الموضوع السابق فإنني اصارحها بحبي لانها سترطبط بغيري وما عاد للسر كتمان واعلنه على الملأ....)))))))

هنا تكمن المشكله الاماكن العامه ونظرت المتجمع للبنت ..... حيث الخوف من المجتمع يجعل من ايصال فكره معينه صعبا

وبخصوص مصارتك للموضوع وفضح كتمان ما بداخلك نعم صحيح لان الموضوع اصبح منتهيا او شبه منتهي فصارح فما يجول في خاطرك لكي لا تندم على ما فعلت طيلت حياتك

تحياتي للجميع

مشكور ابو عمار موضوعك حلو

بس هلا ما في تعليق عندي

انا مريت بكل الاحدااث يلي حكيتها

ولساتني مصدومة

ليا رجعة للموضوع

في انتظار عودتكي الى الموضوع

لاننا بحاجه الى اشخاص مرو بمثل هذه الظروف

هلا نيريمان

نورتي

[size=24]السلام عليكم

مشكور ابو عمار

بالنسبة لالي انا مريت بهالظروف وحابة احكيلك انو البنت ما بايدها شي وانها داائما ضحية

انا مثلا حبيت شخص بس هوة ببلد وانا ببلد وتعلئت فيو كتير ولما تئدملي ابن عمي حاولت ارفضه

لكن الكل عارضني الاهل والاصدقاء لانه مو عنا بالبلد

بس سدئني لو كان عنا بالبلد لوئفت بوش الكل ويلي يسير يسير

وكلشي بيرجع للنصيب

بتمناله السعادة من كل ئلبي لاني بحبه بجد ويلي بيحب لازم يضحي[/size]

والله يا عم موضوع صعب ووضع زنن

والمشكلة مش واحد وثنين بمرو في القصة الله وكيلك كل يوم عشرة

انا بديش احكي كثير ولا اتشعب في كل الاسئلة من بعد اذنك عمي ابو عمار

نقطة وحدة بس ؟؟

انة يعني هل للدرجة هاي البنت ما بتقدر تقول لاهلها مل بدي اتزوج فلان الي اجا طللبها...على

اساس انها بينها وبين نفسها بتحب شخص اخر...

يم بدكو تقنعوني انو لما اجا طلبها فلان من اولها صار ظروف وما بتقدر ..دشرنا يا مان

لو بتحبة صح صح وبترف شو يعني حب...بترفض ولو ع موتها....ولا حدا يقلي بطلب مسنحيل.

تحياتي للجميع

هلا نيريمان

احنا موضوعنا بحكي انو ما في حواجز لا متواجدين بنفس البلد

وهاد الاصل انو الواحد يضحي عشان الي بحبو

هلا نيريمان

يسلمو ع الرد

هلا فوضى

الصحيح انك اضفت نقاط كان غائبه عن الموضوع

هنا سؤالي ما هي الظروف التي تمنعها من قول بديش

نورتنا حج فوضى

انا ما بدي اعلق كتيير بدي اخلي مجال لباقي الاعضاء

تقبل فائق احترامي وتقديري

تحياتي حج

انا بحكيلكو هي ليش ما بدها تحكي بديش

لانو اولا الشب الي تقدملها ما فيه اي عيبة
واي بنت بتتمناه

وثانيا الشب الي بحبها ما كان حاكيلها انو بحبها ولا كان ملمح الها حتى

وهي كانت تعتبرو صديق واخ

وعمرها ما فكرت فيه اكتر من هيك

يمكن في من حكيكي

والي بعيش بشوف

هلا دموع

نورتي

مسا الخير للجميع وبخاصة الحبيب الغالي فوضـــى

هلا نيريمان منوريتنا

عمرو البعد ما كان حاجز ولو بيقولو البعد جفا بس هان المقصود البعد في الحب والكره اللي ممكن يكون وليد هاي اللحظة او عدم الاحساس بالحبيب
**********************************************

اما عموووو فوضى

عن جد نفسي اشوفك واقعد معاك لانو الاراء قريبة والقلوب عند بعضها
وكلامك كلو صحيح احنا مش طالبين متل قيس وليلى ولا متل اي اسطورة تانية احنا طالبين من البنت لما يتقدملها حد بس تقول ما بدي وبدون اعلان اسباب متل(بدي ادرس*بدي اتقدم بالعمر*........)
كل هاد الحكي بيصير لازم وصح بس ازا هيي بتحبو وهان بتكمن النقطة الرئيسية

الحب بيعمل المستحيل يا شباب

ســلامـــــــــــــــــــــــــــــــــــات بشوالاتــــــــــــــــــــ

سي يو

هلا بيك

من ابداع الى ابداع

ومن تميز الى اخر

نتمنى ان يكون هذا الموضوع مفيدا للجميع

سواء كان سلبيا او ايجابي للشخص الذي يواجه المشكله

نتمنى ان لا يقع احدا في هذا المطب

تحياتي للجميع

والله يا دموع بنضحك ع بعض

يلا كلشي نصيب

حبيبي ابو غياظة النا الشرف والله

والله يهدي سر الجميع

مزبوط فوضى بنضحك على بعض

بس لو محل الشب بسوي الي عليه

وبوقفش بطريق حدا

بحكي الي عندي عشان ما يضل عندي تأنيب ضمير

بس دموع لو انتي محل اللبنت وصار معك هالشي

وبصراحه واحنا عارفين بعض شو راح تعملي

وتحياتي للجميع

هلا تاج راسي فوضى منورنا والله

فعلا مش عارف ليش بنلف وبندور انا شب بكرا لما بدي البنت اللي بحبها لو بقف بوش الدنيا كلها ما حدا رح ياخدها غيري لو الدم بيوصل اليابان

ولما انا بدي اللي بحبو ومتمسك فيه ما حدا بيقدر يغصبني

كلشي بيرجع للارادة الحرة

دمتم بود

الله يســترنــــا بس يا رب

سلمات كثير

بتشكر كل الي شاركو في الموضوع

بخصوص الموضوع

النصيب هو الي بقرر

واراة ربنا في كلشي

والي في الو نصيب في اشي بوخذو حتى لو في اخر يوم في عمرو

والي الك والك والي مش الك محرم عليك

تحياتي للجميع

» الكل يهنيء هدولة بعيد ميلادهاااااااااا
» اصابعك ماهي سوا
» كل عام وانتي بخير يابعد الدنيا كلها ♥ماما♥♥
» ماهي أكثر الجروح ألم...
» بصراحه وواقعيه ماهي صفات فارس احلامك